कार दुर्घटनामा ३ जनाको मृत्यु
मनहरी। मकवानपुरको भीमफेदी–कुलेखानी–काठमाडौँ सडकखण्डअन्तर्गत भीमफेदी गाउँपालिका–६ जुरिखेतमा कार दुर्घटना हुँदा ३ जनाको मृत्यु भएको छ। दुर्घटनामा परी अन्य २ जना घाइते भएका छन्।
Advertisement 1
जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीका अनुसार मकवानपुरको मनहरी गाउँपालिका–८ स्थित बेलुवाका २५ वर्षीय अर्जुन नेपाली र उनका तीनमहिने छोरी अजिता भित्रीकोटीको मृत्यु भएको हो।
नेपालीलाई उपचारका लागि बुधबार राति हेटौँडा अस्पताल ल्याइएकामा चिकित्सकले मृत घोषित गरेका उनको भनाइ छ। दुर्घटनामा परी मृत्यु हुनेमा कार चालक काठमाडौँ चन्द्रगिरि नगरपालिका–१ दहचोक बस्ने ६१ वर्षीय सानु परियार रहेका छन्।
Advertisement 2
प्रहरीका अनुसार काठमाडौँबाट हेटौँडातर्फ आउँदै गरेको बा६ च९३७९ नम्बरको कार बुधबार राति अकस्मात अनियन्त्रित भई दुर्घटना हुँदा एक बालिकासहित तीन जनाको मृत्यु भएको हो।
दुर्घटनामा परी घाइते भएका मनहरी गाउँपालिका–८ स्थित बेलुवाकी २३ वर्षीया सरिता परियार र चितवनको राप्ती नगरपालिका–१ स्थित लोथरकी ३५ वर्षीया सानोकान्छी तामाङको जिल्लास्थित सहकारी अस्पतालमा उपचार भइरहेको छ। कार सडकबाट करिब दुई सय ५० मिटर तल खोल्सामा खस्दा दुर्घटना भएको प्रहरीले बताएको छ।
