९ रुपैयाँ युनिटका दरले नेपालको बिजुली किन्न बंगलादेश सकारात्मक देखिएको छ। सिंगापुरमा भएको सचिवस्तरिय छलफलमा नेपालको बिजुली ८ रुपैयाँभन्दा बढीमा खरिद गर्न बंगलादेश सकारात्मक देखिएको हो।

Advertisement 1

यसअघि बर्खाको समयमा नेपालबाट ४० मेगावाट बिजुली खरिद गर्न बंगलादेश सहमत भए पनि मूल्यको विषयमा कुरा मिलेको थिएन।
मूल्यको विषयमा छलफल गर्न नेपाल विद्युत प्राधिकरणको टोली बंगलादेश पुगेका बेला प्रतियुनिट ८ रुपैयाँ ९६ पैसादेखि ९ रुपैयाँ २८ पैसाका दरले बिजुली किन्न बंगलादेशलाई प्रस्ताव गरिएको थियो।

गत फागुन ९ प्राधिकरणका कार्यकारी निर्देशक कुलमान घिसिङसहितको टोली बंगलादेश गएको थियो। त्यतिबेला बंगलादेशले नेपालबाट बर्खाको समयमा ४० मेगावाट बिजुली किन्ने सहमति भए पनि मूल्यको विषयमा सहमति जुट्न सकेको थिएन।

Advertisement 2

पछिल्लो समय विश्व बैंकले ऊर्जासम्बन्धी गरेको कार्यक्रममा सहभागी नेपाली प्रतिनिधि र बंगलादेशी प्रतिनिधबीच बिजुलीको मूल्य सम्बन्धमा छलफल भएको थियो। सचिवस्तरिय छलफलमा बंगलादेश करिब ९ रुपैयाँमा बिद्युत खरिद गर्न सकारात्मक देखिएको ऊर्जा मन्त्रालय स्रोतले जानकारी दिएको छ।