रसुवा आमाछोदिङ्मो गाउँपालिका अध्यक्ष सवार गाडी दुर्घटनामा परेको छ। जिल्लाको आमाछोदिङ्मो गाउँपालिका अध्यक्ष बुचुङ तामाङ सवार गाडी दुर्घटना भएको हो ।

Advertisement 1

मगलबार दिउँसो नुवाकोटको बट्टारबाट रसुवातर्फ गईरहेको रसुवाको आमाछोदिङमो गाउँपालिकाको बा २ झ ३७८७ नम्बरको स्कारपियोले ठक्कर दिँदा तीनजना घाइते भएको जिल्ला प्रहरी कार्यालय नुवाकोटले जनाएको छ ।

स्कारपियोको ठक्करबाट घाइते हुनेमा नवाकोटको विदुर १ ढुङ्गेका उमेथ थपलिया, विमला ढकाल र म्यागङ गाउँपालिकाका ३० वर्षिय विरवहादुर तामाङ रहेका छन् । उनीहरु बसीरहेको स्थानमा आएर स्कारपियोेले ठक्कर दिएको बताइएको छ ।

Advertisement 2

स्कारपियो अनियन्त्रित भएर र्दुघटना भएको प्रहरीले प्रारम्भीक जानकारी दिएको छ । घाइतेमध्ये थपलिया र ढकाल त्रिशुली अस्पतालमा सामान्य उपचारपछि घर फर्किएका छन् भने तामाङलाई थप उपचारको लागि काठमाण्डौको ग्रान्डी अस्पताल लगिएको छ । उनको कम्मरमा समस्या दखिएको प्रहरीले जनाएको छ ।

र्दुघटनापछि स्कारपियोे चालक समेत आफै रहेका रसुवाको आमाछोदिङमो गाउँपालिकाका अध्यक्ष बुचुङ तामाङ र स्कारपियोलाई नियन्त्रणमा लिएर अनुसन्धान भइरहेको प्रहरीले जनाएको छ ।