गृहमा ६ जना सहसचिव बरण्डामा थन्क्याइएको छ । सहसचिवहरू भोला दाहाल, प्रेम प्रसाद भट्टराई, आनन्द काफ्ले, भरत खनाल, स्किम श्रेष्ठ र नारायण प्रसाद अर्याललाई बरण्डामा थन्क्याइएको छ ।

Advertisement 1

उता पाँच जिल्लामा प्रमुख जिल्ला अधिकारी(सिडिओ)का पद रिक्त रहेको छ । सिडिओका पद रिक्त भएको १५ दिन बित्दा पनि गृह मन्त्रालयले खटाउन सकेको छैन । रिक्त भएको जिल्लाहरुमा झापा, सुनसरी, सिन्धुपाल्चोक, तनहुँ र प्यूठान रहेका छन् । झापा जिल्लामा शिवराम पोखरेल, सुनसरीमा हुमकला पाण्डे, सिन्धुपाल्चोकमा रमेश न्यौपाने, तनहुँमा छविलाल रिजाल र प्यूठानमा मदन कोइरालाको दुई साताअघि सरुवा गर्दा हाल उक्त पद रिक्त रहेको छ ।

महत्वपूर्ण जिल्ला भएकाले त्यहाँ जानका लागि तिव्र प्रतिस्पर्धा छ । गृहमन्त्री नारायणकाजी श्रेष्ठ अस्वस्थ भएकाले सिडिओ सरुवाको निर्णय हुन नसकेको छ ।

Advertisement 2