जाजरकोट र रुकुम पश्चिम जिल्लाका विपद् कोषमा पाँच-पाँच करोड निकासा,काँग्रेसले पचास लाख दिने
गृह मन्त्रालयमा बसेको आकस्मिक बैठकले भूकम्पपीडितको उद्धार तथा राहतका लागि जाजरकोट र रुकुमपश्चिम दुवै जिल्लाका विपद् कोषमा पाँच पाँच करोड निकासा गर्ने निर्णय गरेको छ ।
Advertisement 1
भूकम्प पीडितको उद्धार तथा राहतका लागि आवश्यक संयन्त्र परिचालन गर्न गृह मन्त्रालयमा बसेको बैठकले यस्तो निर्णय गरेको हो ।
जाजरकोट जिल्लाको रामीडाँडा केन्द्रविन्दु भएर शुक्रबार राति ११ बजेर ४७ मीनेट जाँदा गएको ६ दशमलव ४ म्याग्निच्युडको भूकम्पका कारण जाजरकोट र रुकुम पश्चिमलगायतका क्षेत्रमा १३८ जनाको ज्यान गएको र १४० भन्दा बढी घाइते भएसँगै उपप्रधान तथा गृहमन्त्री नारायणकाजी श्रेष्ठले आकस्मिक बैठक डाकेका थिए । बैठकमा सुरक्षा निकायका प्रमुख अधिकारीहरुसहित मन्त्रालयका उच्च पदाधिकारी सहभागी थिए ।
Advertisement 2
यता कांग्रेसले भूकम्पमा परेकाको उद्धार, राहत र पुनर्स्थापनाका लागि सरकारको कोषमा पचास लाख उपलब्ध गराउने निर्णय गरेको छ ।
यस्तै, सुदूरपश्चिम प्रदेश सरकारले जाजरकोट भूकम्प प्रभावितलाई राहतको लागि एक करोड रुपैयाँ रकम सहयोग गर्ने घोषणा गरेको छ ।
