ग्लोबल आइएमई बैंकले यस आर्थिक बर्षको पहिलो त्रैमासमा १ अर्ब २२ करोड ५७ लाख नाफा आर्जन गरेको छ । जुन अघिल्लो आर्थिक बर्षको झण्डै साढे चार करोड बढी हो ।
अघिल्लो आर्थिक बर्षको यही अवधिमा १ अर्ब १८ करोड ९५ लाख ४५ हजार रुपैयाँ नाफा आर्जन गरेको बैंकले समिक्षा अवधिको नाफा ३ दशमलव ०४ प्रतिशतले बढेर १ अर्ब २२ करोड ५७ लाख ५४ हजार रुपैयाँ पुगेको छ ।
यस्का अलवा बैंकको खुद ब्याज आम्दानी र सञ्चालन नाफा बढेको छ । बैंकको खुद ब्याज आम्दानी ४९ दशमलव ९२ प्रतिशतले बढेर ४ अर्ब ८० करोड १५ लाख ८८ हजार रुपैयाँ पुगेको छ । यस्तै सञ्चालन नाफा ६ दशमलव ४२ प्रतिशतले बढेर १ अर्ब ७९ करोड ८५ लाख ८७ हजार रुपैयाँ रहेको छ ।
यद्यपि बैंकको खराब कर्जा बढेर ४ दशमलव ३८ प्रतिशत पुगेको छ । विगतमा बैंकको खराब कर्जा २ दशमलव १० प्रतिशत मात्र थियो । बैंकको प्रतिसेयर आम्दानी १३ रुपैयाँ ७१ पैसा र बैंकको प्रतिसेयर नेटवर्थ १६८ रुपैयाँ ३ पैसा रहेको छ ।