सशस्त्र प्रहरीले ‘सीमावासीसँग सशस्त्र प्रहरी’ कार्यक्रम गरेको छ। सशस्त्र प्रहरी बल, नेपाल नम्बर ११ गण रौतहट बौधिमाइ नगरपालिकामा शनिबार आयोजित सीमा सुरक्षाको महत्व तथा सीमा अपराध नियन्त्रणसम्बन्धी कार्यक्रममा गरेको गरेको हो ।

Advertisement 1

सीमाक्षेत्रमा हुने आपराधिक गतिविधि नियन्त्रण गर्न र अन्य समस्याहरूको सम्बोधन गर्न स्थानीय सरकारको सहकार्यमा सशस्त्र प्रहरीले कार्य गर्ने गरी सो कार्यक्रमको सुरुवात गरेको सशस्त्र प्रहरी बल नेपाल नं.११ गण हेडक्वाटर, रौतहटका गणपति सशस्त्र प्रहरी उपरीक्षक माधब रेग्मीले बताए। धेरै लामो समयदेखि सीमाको रक्षा केवल स्थानीय सीमावासीकै कारण सम्भव भएको बताउँदै उनले सीमावासीको योगदानको सम्मान गर्दै सशस्त्र प्रहरीले उनीहरूको साथ र सहयोगमा आपराधिक गतिविधि नियन्त्रणमा कार्य गर्ने बताए।

Advertisement 2

नेपालको अन्तर्राष्ट्रिय सीमा ईलाकामा सीमा सुरक्षासँग सम्बन्धित सरोकारवाला निकायहरू (नगर प्रमुख, समकक्षी सुरक्षा निकाय, स्थानीय जन प्रतिनिधि ) र स्थानीय जनतासँग यस प्रकारका कार्यक्रममार्फत समन्वय र सहकार्य गर्दै सीमापार अपराध नियन्त्रणमा प्रभावकारीता ल्याउने र जनतासँग सुमधुर सम्बन्ध स्थापित हुने उल्लेख गर्दै, सीमा ईलाकाको प्रयोग गरि हुने लागु आौषध दुर्व्यसनी तथा अवैध ओसारपसार नियन्त्रणमा स्थानीयवासी बाट रचनात्मक सहयोगको अपेक्षा गरे ।

१३ वटा वडाका अध्यक्षहरूको उपस्थितिमा भएको सो कार्यक्रममा वडाध्यक्षहरूले सीमामा रहेका समस्या तथा सीमाको अवस्थाबारे आफ्नो धारणा राखेका थिए। उनीहरुले सीमावर्ती ईलाकाका समसामयिक गतिविधिको चर्चा गर्नुका साथै सीमामा खटिएका प्रहरीलाई धन्यवाद दिदै सीमावर्ती ईलाका बाट सवारीसाधन आवतजावतमा सहजता हुनुपर्ने, लागु अौषध नियन्त्रणमा थप पहल हुनुपर्ने , पुर्बवतरुपमा छोटी भन्सार कार्यालय स्थापनाका लागि पहल हुनुपर्ने तथा स्थानीयवासीका लागि मरि मराउ, बिहे, भोज भतेरका लागि आवश्यक सामान र कृषि सामग्री, बीउबिजन, मल जस्ता सामानहरु ल्याउन सहजता हुनुपर्ने जस्ता सुझाबहरु राखेका थिए ।

कार्यक्रममा बौधीमाई नगरपालिका, परोहा नगरपालिकाका नगर प्रमुखहरु, जिल्ला स्थित सुरक्षा निकायका प्रमुखहरु सीमा ईलाकाका १३ वटै वडाका वडा अध्यक्षहरु सहभागीता रहेको थियो ।