झण्डै एक क्विन्टल सुन प्रकरणमा राजश्व अनुसन्धान विभागको नियन्त्रणमा रहेकी भन्सार एजेन्ट रुक्मिना सुब्बा जम्मा जमानीमा रिहा भएकी छिन् ।

Advertisement 1

भन्सार एजेन्टको रुपमा कार्यरत सुब्बा एक क्विन्टल सुन तस्करी प्रकरणमा पक्राउ परेकी थिइन । घाँटीको क्यान्सरसँग जुधिरहेकी र किमो थेरापी गराउनु पर्ने देखिएपछि सुब्बालाई उपचार प्रायोजनार्थ रिहा गरिएको राजश्व अनुसन्धान विभागका अधिकारीहरुले जनाएको छ ।

राजश्वका अधिकारीहरुका अनुसार आवश्यक परेको र बोलाएको बेलामा उपस्थित गराउने शर्तमा रिहा गरिएको हो ।सय किलो सुन तस्करी प्रकरणमा भन्सार एजेन्टहरु यादवशंकर पराजुली, सुदर्शन गौतम र रुक्मिना सुब्बा पक्राउ परेका छन्। उनीहरुलाई छानबिनको दायरा बढाउन समातिएकोमा सुब्बा मात्र जम्मा जमानीमा रिहा भएकी हुन ।