निजामती सेवा ऐन बनाउँदै लुम्बिनी सरकार
लुम्बिनी प्रदेश सरकारले निजामती सेवा ऐन ल्याउने भएको छ । निजामती सेवा ऐनको अभावमा कर्मचारी व्यवस्थापनमा समस्या देखिए पछि प्रदेश सरकारले प्रदेश निजामती सेवा ऐन ल्याउने तयारी गरेको हो ।
Advertisement 1
कर्मचारीहरुको हितलाई ख्याल गर्दै कर्मचारीको वृती विकासका लागि प्रदेश निजामती सेवा ऐन ल्याउन लागेको लुम्बिनी प्रदेश सरकारले जनाएको छ ।
आज बसेको लुम्बिनी प्रदेश मन्त्रीपरिषद्को बैठकले प्रदेश निजामती सेवा ऐन ल्याउने निर्णय गरेको हो । बैठकले प्रदेश निजामती सेवाको गठन, सञ्चालन र सेवाका सम्बन्धमा व्यवस्थापन गर्न बनेको विधेयक प्रदेश सभा समक्ष पेश गर्ने निर्णय गरेको सरकारका प्रवक्ता एवं आन्तरिक मामिला, कानून तथा सहकारी मन्त्री सन्तोष कुमार पाण्डेयले बताए ।
Advertisement 2
मुख्यमन्त्री डिल्ली बहादुर चौधरीले प्रदेशमा समायोजन भएका कर्मचारीहरुको वृद्धि विकास र सहज व्यवस्थापनका लागि सरकारले ऐन ल्याउन लागेको र त्यो छिट्टै कार्यान्वयनको चरणमा जाने बताएका छन । मुख्यमन्त्री चौधरीले सबैको सुझाव समेटेर ऐन तयारी भएको पनि बताए ।
संघीय निजामती सेवा ऐन जारी नभए पछि कोशी, मधेश, बागमती, गण्डकी र सुदूरपश्चिम प्रदेशले प्रदेश निजामती सेवा ऐन जारी गरिसकेका छन् । लुम्बिनी प्रदेशले बल्ल ऐन ल्याउन लागेको हो ।
