बजेटको मुखमा हाकिम चाहियो काखमा
अर्थमन्त्री डा प्रकाशशरण महतको तनाव बेग्लै छ । मन्त्रीको कुर्सीमा डा. महत देखिए पनि उनलाई चलाउने ‘रिमोट’ अन्यत्रै छ । त्यही कारण महिनादिनसम्म आफू अनुकूलको सचिव लैजान सकेका छैनन् । पूर्वअर्थमन्त्री विष्णु पौडेलका समयमा अर्थमा मन्त्रालय भित्र्याइएका सचिव तोयम रायसँग ‘ट्युनिङ’ नमिल्दा बजेट लेखन नै प्रभावित हुने खतरा देखिएको अर्थमन्त्री प्रकाशरण महतको सचिवालय स्रोतले बताएको छ ।
Advertisement 1
आफू कतिखेर ‘फुटबल’ बनिने हो भन्ने भयकाबीच काम गर्नुपर्दा सचिवले मन्त्रीलाई खासै ‘भाउ’ दिने नगरेको अर्थका अर्का सहसचिवले सुनाए । सामान्यबाट पुष्करलाई नै सचिवको रूपमा अर्थमा भित्र्याउनका लागि आरजू राणादेखि पूर्वमन्त्री ज्ञानेन्द्रवहादुर कार्कीसम्मले दबाब दिँदै आए । तर, अर्थमन्त्री महतले बदनाम र विवादित चरित्रका सचिवलाई अर्थमा भिœयाउने हिम्मत गरिसकेका छैनन् । कांग्रेस क्याडर मानिने सचिव अर्जुन पोखरेलका अलावा मधुकुमार मरासिनी, डा. वैकुण्ठ अर्याल र केवलप्रसाद भण्डारीहरू अर्थसचिवका प्रवल दावेदार मानिएका छन् ।
यद्यपि, अर्थमन्त्री महतले ‘कम्फर्टेबल’ सचिव भेटिसकेका छैनन् । नयाँ बजेट आउन अब एक महिना बाँकी छ । तर, मन्त्रीले अझै खोजेजस्तो सचिव अर्थमा लैजान सकेका छैनन् । अर्थका कर्मचारीको हेरफेरमा सभापति देउवादेखि आरजू राणा र पावर ब्रोकर दीपक भट्टसम्मको हस्तक्षेप हुने गरेको अर्थमन्त्रीको सचिवालयले जनाएको छ ।
