गाउँपालिकाका अध्यक्षले लगाइदिए ताला, विद्यालयको परीक्षा स्थगित कालिकोटको पलाँता गाउँपालिकाका अध्यक्ष लक्ष्मण बहादुर बमले आफ्नो शक्ती प्रद्र्धशन गर्दौ गणेश आधारभूत विद्यालयमा ताला लगाएका छन् । ताला लगाएको कारणले गर्दा विधालयले आज सरस्स्वती पूजाको दिन पूजा गर्न बञ्चित भएका छन् ।

Advertisement 1

‘हामी हरेक वर्ष विद्यालयमा सरस्वती माताको पूजा गथ्र्यौं,’ कक्षा सातमा पढने एक विद्यार्थीले नेपालप्रेससँग भने, ‘तर यो वर्ष हामीले पूजा गर्न पाएनौं ।’ अध्यक्ष बमले आईतबार दिउँसो ताला लगाएपछि विद्यालयको परीक्षा स्थगित भएको विद्यालयले जनाएको छ। ‘हिजो ३ बजेतिर एक्कासी आएर अध्यक्षज्यूले विद्यार्थीलाई बाहिर निकालेर विद्यालयका दुई वटा कोठामा ताल्चा लगाईदिनुभयो,’ विद्यालयका प्रधानाध्यापक सर्पानन्द न्यौपानेले भने, ‘यसको कारण के हो भन्नेबारेमा हामी नै अन्यौलमा छौं, यसले गर्दा आजदेखि सञ्चालन गर्ने भनिएको परीक्षा पनि स्थगित गरेका छौं।’