टिष्टुङ । उत्तरी मकवानपुरको थाहा नगरपालिकाले पाँच वटा वडाको सार्वजनिक सुनुवाइ कार्यक्रम सम्पन्न गरेको छ । गत बुधवार वडा नम्वर १, ५, ६, ९ र १० को सार्वजनिक सुनुवाइ कार्यक्रम सम्पन्न भएको हो ।

Advertisement 1

थाहा नगरपालिका ६ को कार्यालयमा सम्पन्न कार्यक्रममा अनेकौं रोचक प्रसंगहरु देखा परे । जिज्ञासा राख्नेहरुले विभिन्न खालका उखान टुक्काहरु सुनाएर जनप्रतिनिधिहरुको ध्यानाकर्षण गराए । वडा नम्वर ५ का वडाध्यक्ष विष्णुबहादुर गुरुङ र वडा नम्वर ९ का वडाध्यक्ष राजकुमार बलामीलाई एउटा पनि प्रश्न सोधिएन । ती वडाहरुबाट जनसहभागिता पनि न्यून थियो । त्यस्तै वडा नम्वर १ का वडाध्यक्ष हेरमान गोपाली र १० का वडाध्यक्ष हिराबहादुर गमाललाई बराबरी जस्तो प्रश्नहरु आए । वडाध्यक्ष गमालले त वर्षभरी गरेका काम र आर्थिक अवस्थाको विस्तृत विवरण समेत प्रस्तुत गरेका थिए । दुवै वडाध्यक्षले सान्दर्भिक जिज्ञासाहरु आएको भन्दै विकट भविष्यमै ती कुराहरु सम्वोधन हुने बताए । उनीहरुले प्रश्नकर्तालाई धन्यवाद दिँदै नगर प्रमुख विष्णु विष्ट, उपप्रमुख भरत गोपाली र विभिन्न शाखा प्रमुखहरुको ध्यानाकर्षण गराए ।

कार्यक्रम सभ्य र शान्त तरिकाले चलिरहेको थियो । तर अन्तिममा समापन सम्वोधन गरेका वडा नम्वर ६ का अध्यक्ष राजेन्द्रभक्त श्रेष्ठले कार्यक्रमको गरिमा नै घटाइ दिए । कार्यक्रमको सुरुवात देखि नै प्रश्नले घेरिएका उनी सम्वोधनमा क्रममा निकै आक्रोसित देखिए । शुरुदेखि अन्त्यसम्म उनको वडाको गतिविधि बारे प्रश्न नरोकिएपछि उनी आक्रोसित देखिएका हुन् । विभिन्न उखान टुक्का जोड्दै प्रश्नकर्तालाई ब्यंग्य गर्दै जवाफ दिएका उनले आप्mनो पदको मर्यादा समेत कायम राख्न सकेनन् ।

Advertisement 2

श्रेष्ठले प्रश्नकर्तालाई तँ भनेर सम्वोधन गर्न समेत पछि परेनन् । उनले भने, ‘जसले मलाई प्रश्न गर्याे त्यसलाई पनि विकास निर्माणबारे थाहा छैन’ उनले सञ्चारमाध्यम र सञ्चारकर्मीले आप्mनो कामहरुको बारेमा भ्रम फैलाएकाले आपूmमाथि प्रश्न बर्सिएको आशय व्यक्त गर्दै तल्लोस्तरको गालीगलौच समेत गर्न भ्याए । उनले अपशब्द शैलीमा गालीगलौच गर्न थालेपछि मञ्चमा बसेका अतिथिहरु र सहभागि सर्वसाधारणहरु मुखामुख गर्दै आश्चर्य व्यक्त गरिरहेका थिए ।

‘वडाध्यक्ष भएर के बालेको त्यस्तो’ भन्दै सहभागिहरु कुरा गरिरहेका थिए । उनी यतिधेरै रिसले चरु भए कि, आपूm कुन पदमा छु, कहाँ बोलिरहेको छु भन्ने समेत हेक्का राख्न सकेनन् । पत्रकारहरुले भन्दै थिए, ‘हिजो सबैभन्दा शिक्षित उम्मेद्वार भनेर लेख्दा उही पत्रकार सही हुने आज वडाध्यक्ष नियमित कार्यालय बसेनन् भन्दा उही पत्रकार गलत हुने’ भन्दै गुनासो गरिरहेका थिए ।

वडाध्यक्ष श्रेष्ठमाथि सहभागिहरुले विभिन्न प्रश्नहरु गरेका थिए । आप्mनै कार्यालयमा कार्यक्रम भएपनि ६ नम्वरका सवै जनप्रतिनिधि कार्यक्रममा सहभागि थिएनन् । अन्य समयमा पनि जनप्रतिनिधिहरु हेटौंडा र काठमाडौंमा बस्ने गरेको भन्दै प्रश्न उठाएका थिए । यस्तै विकास निर्माणको सबै काम उपभोक्ता समितिलाई जिम्मा दिएको, सार्वजनिक सूचनाबिना नै कोठामा बसेर समिति बनाएको, कुनै अनुभव समेत नभएकालाई उपभोक्ता समितिको अध्यक्ष बनाएर कमसल काम गरेको, सार्वजनिक खरिद ऐन मिचेको, मेलमिलापकर्तासँग समन्वय नगरेको, नयाँ काम गर्नुको सट्टा पुरानै काम विगारेर बजेटको दुरुपयोग गरेको, योग्यता र क्षमतालाई मतलव नगरी आप्ना कार्यकर्तालाई मात्रै अवसर दिएको, पुरातात्विक सम्पदामा जवरजस्ती रुख काट्न लगाएको, शिक्षा संयोजक भएर पनि शैक्षिक क्यालेन्डर ल्याउन भूमिका नखेलेको, विकास आयोजनाको विवरण समेटिएको बोर्ड नराखेको जस्ता दर्जनौं प्रश्नहरु आएका थिए ।

यावत प्रश्नबाट आक्रोसित उनले प्रतिपक्षी दलहरुको अवरोधका कारण विकास निर्माणको काम गर्न नसकेको बनावटी जवाफ दिए । उनले बजेटको खोजी गर्न आपूm वडामा भन्दा पनि बाहिर डुल्ने गरेको बताए । स्थानीयले भने झण्डै एक वर्षको बीचमा वडामा नगरको बाहेक अन्यत्रको बजेट नै नआएको बताउदै आएका छन् । कार्यक्रममा नगरप्रमुख विष्टले समयसान्दर्भिक प्रश्नहरु आएको भन्दै त्यसको मनन गर्दै अघि बढ्ने प्रतिबद्धता ब्यक्त गरे । उनले जनप्रतिनिधिहरुलाई अत्यावश्यक कामबाहेक बाहिर ननिस्किन आग्रह समेत गरे ।