राष्ट्रिय स्वतन्त्र पार्टी (रास्वपा) का सभापति रवि लामिछानेले श्रीमती निकिता पौडेललाई जोडेर नकारात्मक प्रचार गरेको भन्दै आक्रोश पोखेका छन् ।

Advertisement 1

उनले निकिताबारेको पोस्ट नहटाइए कानुनी प्रक्रियामा जाने चेतावनी समेत दिएका छन् । ‘बिनाआधार, बिनाप्रमाण’ राखिएका समाचार र पोस्ट नहटाए आफूहरू कडा कानुनी प्रक्रियामा जाने चेतावनी पनि सभापति लामिछानेले दिएका छन्। ढाकाकुमार श्रेष्ठको अडिओ प्रकरण सार्वजनिक भएपछि त्यसमा उनले आरोप लगाएको रास्वपाको ‘कोर टिम’मा रविकी पत्नी निकिता पनि रहेको जस्ता आरोप लागिरहेका छन्। उनले अगाडि भनेका छन्, ‘निराधार राखिएका समाचार र पोस्टहरु नहटाए कडा कानुनी प्रक्रियामा जान्छौँ।’ बिना कारण बद्नामी र तनाव सहनु परेको भन्दै लामिछानेले भनेका छन्, ‘न पिर गर, हामी यो घेराबन्दी तोड्नेछौ, हामी जित्नेछौं।’

ढाकालाई कारबाही गरिए पनि अडिओमा सभापति रविको नामसमेत जोडिएकाले उनीविरुद्धको आलोचना पनि रोकिएको छैन। त्यसमा उनकी पत्नी निकिताको पनि भूमिका रहेको शंका गर्दै मानिसहरूले टिप्पणी गरिरहेका छन्। सोही विषयमा रवि लामिछाने आक्रोशित भएका हुन्।