रसुवा एमालेभित्रका सर्वशक्तिमान जनार्दन ढकाल एकल सिफारिस हुनबाट रोकिएका छन् । नेपाली काँग्रेसले ठेकेदार मोहन आचार्यको नाम एकल सिफारिस गर्दा उनको प्रतिष्प्रर्धी मानिएका ढकाल एकल सिफारिस हुन सकेनन ।

Advertisement 1

रसुवाका अन्य राजनीतिक दलले उम्मेद्धार सिफारिस टुंग्याउँदा एमालेले ढिला गरी आज बल्ल नाम टुंग्याएको हो । एक मात्र संघीय निर्वाचन क्षेत्र भएको रसुवामा नेपाली कांग्रेसले सर्वसहमतीबाट प्रतिनिधि सभा निर्वाचनमा ठेकेदार मोहन आचार्यको नाम सिफारिस गर्दा एमालेले भने तीन जनाको नाम सिफारिस गरेको छ ।अझैं रोचक त मोहन आचार्यको प्रमुख प्रतिष्प्रर्धी मानिएका जनार्दन ढकालको नाम सूचीको अन्तिममा राखिएको छ ।

एमालेले हालै मात्र माओवादी त्यागेर एमालेमा प्रवेश गरेका उद्धब रिजालको नाम पहिलो नम्बरमा राखेर पठाएको छ भने यस अघिका समानुपातिक सांसद छोवाङ तेन्जेनको नाम दोश्रोमा अन्तिममा अर्काे ठेकेदार जनार्दन ढकालको नाम सिफारिस गरेको छ ।  झण्डै १५ दिन ढिला गरी आज सिफारिस टुंग्याइएको हो । एमालेले झण्डै १५ दिन ढिला गरी आज नाम सिफारिस गरेर पठाएको हो । गत भाद्र १८ गते शानिवार धुन्चेमा सम्पन्न जिल्ला कमिटी बैठकबाट प्रतिनिधि सभा सदस्यको प्रत्यक्ष तर्फको उम्मेदारको नाम सिफारिस गर्न सकेको थिएन ।त्यतिबेला टुंग्याउन नसकिएको नाम आज टुंग्याइएको हो ।  ढकालको नाममा कसैको कुनै आपत्ति नभए पनि उनले एमालेकै नेताहरुबाट तामा तुलसी अर्थात घात नगर्ने वा नहुने प्रतिवद्धता खोजेका थिए ।

Advertisement 2

एमाले रसुवा जिल्लाकै एक नेताका अनुसार त्यस बेला ठेकेदार नेता जनार्दन ढकालले एमालेका नेता तथा कार्यकर्ताबाट ‘तामा तुलसी’ खोजेका थिए । ती नेताका अनुसार,अघिल्लो पटक ०७४ सालको निर्वाचनमा एमालेकै नेताबाट घात भएको कारण घात नगर्ने प्रतिवद्धता अर्थात तामा तुलसी खोजेका थिए ।

त्यही कारण सिफारिस रोकिएको थियो । अन्तिम समयमा आएर एमाले रसुवाले तीन जना नेताको नाम सिफारिस गरिँदा टिकटका प्रवल दावेदार ढकालको नाम पुच्छरमा राखेर पठाइएको छ ।