आगामी असोज २८ देखि कार्तिक ४ गतेसम्म नवौं राष्ट्रिय खेलकुद प्रतियोगियता हुँदैछ । गण्डकी प्रदेशमा आयोजना हुन लागेको सो प्रतियोगितामा ३६ वटा खेल आयोजना हुँदैछन् । छोटो समयमा तयारी गर्नुपर्ने हुँदा खेलाडीहरु सकसमा छन् । प्रतियोगिताका लागि झण्डै ६० करोड हाराहारी बजेट छुट्टाइएको छ । प्रस्तुत छ,२ बर्ष अघि नै राष्ट्रिय खेलकुद परिषद्को उपाध्यक्षमा नियुक्त भएका शिव कोइरालासँग राखेप,नवौं राष्ट्रिय खेलकुदको सेरोफेरोमा गरिएको कुराकानी

Advertisement 1

विगतका उदाहरण हेर्दा राखेपले आयोजना गरेका प्रतियोगिताहरु समयमा भएका छैनन् । नवौं राष्ट्रिय प्रतियोगिता समयमै सम्पन्न होला ?

राष्ट्रिय खेलुकद परिषद्को नेतृत्वको कुनै पनि कमी कमजोरीकोे कारण नवौं राष्ट्रिय खेलकुद प्रतियोगिता रोकिँदैन । भैपरी आउने प्राकृतिक विपद,कोभिड वा अन्य सवालका कारण रोकिएको खण्डमा त्यसको त भविष्यवाणि गर्न सकिँदैन । मंसिर ४ को निर्वाचनका कारण पनि रोकिँदैन ।

Advertisement 2

दशैं र तिहारकै बीचमा प्रतियोगिता आयोजना हुँदैछ,किन ?

चाडपर्वहरुको बीचमा चाँही छनोट गरिएको होइन । त्यो भन्दा अघि बर्खा,चाड पर्व पछि निर्वाचन । समय नाप्दै जाँदा यही समय उपयुक्त देखियो हरेक कोणबाट । जेठमै प्रतियोगिता गर्ने तयारीमा थियौं तर खरिद प्रक्रिया र केही कानुनी उल्झनका कारण डिस्टर्ब भएर सार्न परेको हो । हामीलाई अनुकुल भएर यो समयमा प्रतियोगिता गर्न लागेका हौं । हिन्दु धर्मको प्रर्वद्धन गर्न खोजेको होइनौं । हामीसँग खेलाडीहरु हरेक सेकेण्ड रेडी अवस्थामा रहनुपर्छ । पर्सी खेल्ने हो भने आज टे«निङ गर्ने पूरानो पद्धति अब भत्काउनुपर्दछ । त्यसलाई खारेज गर्नुपर्दछ ।

० राखेपको नेतृत्वदायी भूमिकामा रहेर २ बर्ष काम गरिसक्नुभएको छ । यो बीचमा सुधारका यत्नहरु के के भए ?

राजनीतिमा मात्र होइन खेलकुदको नेतृत्व पनि युवाहरुले गर्नुपर्दछ । यहाँ १८५ वटा खेल संघहरु छन् ।अधिकांशले संस्था मात्रै ओगटेका छन् । खेलकुद संघहरु धेरै भएका छन् । त्यसलाई ऐनले सुधार गर्ने हो । क्षमता नराख्ने संघहरु स्वत क्लवमा रुपान्तरण हुन्छन् । तर ऐन आएको दुई बर्ष बितिसक्दा समेत कार्यान्वयनमा लैजान सकिएको छैन । यस्तै अहिलेको ऐनले २ कार्यकालभन्दा बढी पदाधिकारीमा बस्न मिल्दैन । ऐनले केही हदसम्म यसलाई केही ट्रयाकमा ल्याउँछ । दुई नम्बर प्रदेशमा अझै खेलकुद परिषद् निर्माण हुन सकेको छैन । सबै प्रदेशहरुले जिल्ला संघ दर्ता गर्ने प्रक्रियामा केही ढिलाईहरु भएका छन् । यसलाई पनि अगाडि बढाएर खेलसम्बन्धमा देखिएका समस्या सामाधान गर्नुपर्दछ । संघ परिषदबीचको सम्बन्ध, परिषद र ओलम्पिक कमिटिबीचको सम्बन्धमा हिजोको तिक्ततालाई मेटाउने पर्यत्न गरेको खण्डमा वितगको भन्दा निकै सरल ढंगले खेलकुद अगाडि बढ्न सक्छ । म यहाँ आए पछि लामो समय कोभिडले आक्रान्त भयो । सदस्य सचिवको विवादले काम अघि बढ्न सकेको थिएन । हामीले राम्रोसँग काम गर्न पाएको तीन/ चार महिना मात्र न भयो । यो अवधिमा लामो समयदेखि रोकिएको कुरा राष्ट्रिय प्रतियोगिता गर्ने तयारीमा छौं । एसियन गेमको सन्दर्भमा हामीले विभिन्न तयारीहरु गरिराखेका छौं । यस्ता अप्ठ्याराका बीच एसियन गेमलाई टार्गोट गरेर क्लोजमेन्टहरु राख्यौं । विभिन्न समयदेखि रोकिएका राष्ट्रिय प्रतियोगिता सम्पन्न ग¥र्यौं ।

० ९ औं राष्ट्रिय खेलकुद प्रतियोगिताकालागि कति बजेट छुट्टाइएको छ ?
६० करोड हाराहारी ।

संयोग यस्तो जुरेको छ कि मन्त्री,उपाध्यक्षदेखि सदस्य सचिव एकै पार्टीको । अब खेलकुद क्षेत्रले कोल्टे फेर्नेमा कतिको आशावादी हुन सकिन्छ ?

पार्टीको कुरा छाडौं । मुख्य कुरा खेलकुदलाई युवाहरुले हाँक्नुपर्छ । खेलकुदमा अझै यो अभाव देखेको छु । यस्तै राजनीतिक रुपमा खेलकुद परिषदलाई डिस्टर्ब गर्ने हुँदैन । अहिले प्रतिपक्षले पनि नवौं राष्ट्रिय खेलकुद हुनुहुन्न भनेको छैन । खेलकुदमा एउटै पार्टीको वा फरक पार्टीको भएर धेरै इष्ट र दुष्ट भइहाल्ने होइन । यद्यपि अहिले अपेक्षा गर अनुसारको लिडरशिप छ।

राखेप,ओलम्पिक कमिटि र मन्त्रालयबीचको जुन खालको टसल छ । यो टसलले खेलाडीहरु मारमा परे भनिन्छ । स्वीकार्नुहुन्छ ?

यसलाई टसलको रुपमा म बुझ्दिन । यो सिस्टमको कुरा छ । खेलकुद मन्त्रालयले राखेपलाई पनि नेतृत्व गर्छ । राखेपले ओलम्पिक कमिटिलाई नेतृत्व गर्छ । आलेम्पिक कमिटि भनेको राखेपमा दर्ता भएको एउटा संघ हो । जसले अन्तराष्ट्रिय क्षेत्रमा निर्वाह गर्नुपर्ने भुमिका निर्वाह गर्छ, त्यसको व्यवस्थापकीय भुमिका परिषदले गर्ने हो । तसर्थ यो संस्थाहरुबीचको टकराव चाँही होइन, छैन र हुनुहुँदैन पनि । त्यहाँ नेतृत्व गर्नसक्ने व्यक्तिका बीचमा चाँही कहिलेकाँही टकराव हुनसक्छ । त्यसलाई हामीले नै सामाधान गर्नुपर्छ ।

नवौं राष्ट्रिय खेलकुदबाट के कुुराको अपेक्षा राख्न सकिन्छ ?

राष्ट्रिय टीम बलियो बन्ने अपेक्षा हामीले राखेका छौं । यो टिमलाई बलियो बनाएर अन्तराष्ट्रिय मैदानमा प्रतिस्पर्धा गराएर विजय हासिल गर्ने हो ।

यस आर्थिक वर्षमा नवौं राष्ट्रिय खेलकुद सहित अन्य कार्यक्रमहरु के छन् ?

मुख्य त नवौं राष्ट्रिय खेलकुद प्रतियोगिता हो । यस्का अलवा ग्रासरुट देखि ओलम्पिकसम्मका योजनाहरु यो आर्थिक वर्षमा छन् । खेलकुदलाई विद्यालयमा पु¥याउने योजना छ । खासगरी नयाँ प्रतिभाको खोजी भन्ने कार्यक्रम, हुम्ला,जुम्ला,मुगु, डोल्पा, पुग्नेगरी योजना बनाउँदै छौं । अहिले जो सक्षम छ, उसले मात्रै अवसर पाउने अबस्था छ । जस्को आर्थिक अबस्था कमजोर छ उ क्षमता हुँदाहुँदै बाहिर परेको अबस्था छ । परिषद् त्यस्ता प्रतिभाहरुको खोजीमा लागेको छ ।