देउवा सरकारले आफ्ना एक बर्षका ४२ वटा मुख्य उपलव्धी सार्वजनिक गरेको छ । जहाँ राष्ट्रसेवक कर्मचारीको १५ प्रतिशत तलब बृद्धिलाई समेत उपलव्धिभित्र समावेश गरिएको छ । देउवा सरकारले केपी ओली नेतृत्वको पूर्ववर्ती सरकारले निम्त्याएको राजनीतिक अस्थिरता र कुशासनको अन्त्य गरी मुलुकलाई लोकतान्त्रिक विधि र पद्धतिमा अघि बढाउन सफल हुनलाई पहिलो उपलब्धि मानेको छ ।

Advertisement 1

शेरबहादुर देउवा प्रधानमन्त्री बनेको आज ठ्याक्कै एक बर्ष पुगेको छ । देउवा असार २९ गते प्रधानमन्त्री पदमा नियुक्त भएका थिए ।
सर्वोच्च अदालतले परमादेश जारी गरी २०७८ असार २८ गते प्रधानमन्त्री केपी शर्मालाई पदमुक्त गरी २४ घण्टाभित्र नयाँ प्रधानमन्त्री नियुक्तिका लागि परमादेश जारी गरेसँगै उनी २९ असारमा प्रधानमन्त्री नियुक्त भएका थिए।