रसुवाको ज्याङल्याङमा जन्मिएर पर्यटनको क्षेत्रमा एउटा उचाइ कायम गरेका हरिकृष्ण देवकोटा कालिका गाउँपालिकाको अध्यक्षमा निर्वाचित भएका छन् । रसुवाको विकट ठाउँमा मध्यम बर्गीय परिवारमा जन्मिएर संघर्ष गर्दै हुर्किएका देवकोटाले लामो समय पर्यटन मजदुरको रुपमा काम गरे ।
पर्यटनकै क्षेत्रमा आफूलाई निर्खादै लगे र अहिले हाइ हिमालयन ट्रेकिङ एण्ड एक्सपिडिसन कम्पनीका मालिक बनेका छन् । नेपालको ट्रेकिङ र पर्वतारोहण व्यवसायमा २ दशकभन्दा बढी अनुभव हासिल गरेका उनले यो बीचमा अनगिन्ती हिमालयमा पदयात्रा र अभियानहरू व्यवस्थित र नेतृत्व गरिसकेका छन । १३ बर्षकै उमेरमा एक भरियाको रूपमा पर्यटन यात्रा प्रारम्भ गरेका देवकोटाले आफ्नै ट्रेकिङ कम्पनी खोल्नु अघि किचन व्याई, सहायक गाईड र गाइडको रूपमा काम गरेको अनुभव बटुले । उनले किचन ब्याइका रुपमा तीन वर्ष, तीन वर्षभन्दा बढी सहायक गाइड, त्यसपछि पाँच वर्ष गाईडको काम गरे र जन्माए आफ्नै ट्रेकिङ कम्पनी । त्रिभुवन विश्वविद्यालय काठमाडौंबाट २००८ मा अर्थशास्त्रमा स्नातकोत्तर गरे र २०१२ मा अर्थशास्त्रमा एमफिल गरे र अहिले अर्थशास्त्रमा पीएचडी गर्ने तयारी गर्दैछन् ।

Advertisement 1

राजनीतिमा जोडिनुभन्दा अघि सामाजिक कर्ममा समर्पित थिए । उनले यो बीचमा रसुवामा थुप्रै सामाजिक कर्म गरेका छन् । उनले यो अवधिमा विभिन्न शैक्षिक संस्थाका लागि भवन निर्माणका साथैं स्वास्थ्य चौकीका लागि भवन निर्माण गर्न काम उनकै प्रयासमा सम्पन्न भएको छ । ५ वटा वडा रहेका कालिका गाउँपालिकाभित्रै पर्ने कटुञ्जेको मनकामना प्रथामिक विद्यालयका लागि ६ कोठे पक्की भवन उनै देवकोटाको सक्रियतामा सम्पन्न भइसकेको छ । जस्ले कटुञ्जेका विद्यार्थीहरुलाई पठन पाठनमा सहजता भएको छ । यस्तै कालिका ४ धुसेनीको सुर्योदय प्राथमिक विद्यालयको भवन निर्माण कार्य गरेका देवकोटाकै सक्रियतामा निलकण्ठ नमुना मा बि जिबजिबेमा रसुवा कम्युनिटि ई लाईब्रेरी निर्माण सम्पन्न भएको थियो । यस्तै निलकणठ नमुना माबि जिबजिबेमा सभाहल र चारकोठे पक्कि भवन निर्माण समेत उनै देवकोटाको प्रयासमा सम्पन्न भएको थियो । यस्तै देवकोटाले अहिलेसम्म रसुवाका १ सय ८० भन्दा बढी बालबालिकालाई अध्ययनका लागि छात्रवृत्ति प्रदान गर्ने कार्य गरेका छन् । यस्तै घोर्मु प्रा वि नौकुण्डको ६ कोठे पक्की भवन निर्माण कार्य उनै देवकोटाको सक्रियतामा सम्पन्न भएको थियो ।

शिक्षा मात्र होइन स्वास्थ्यका क्षेत्रमा समेत उनको प्रयासमा भवन निर्माणका कार्य सम्पन्न गरिसकेका छन् । जस्को उदाहरण हो आरुखर्क सामुदायिक स्वास्थ्य केन्द्र को ६ कोठे पक्की भवन,यस्का अलवामा जिबजिबे ग्रामिण अस्पतालमा बन्यो । जहाँका लागि सबैभन्दा पहिला उनै देवकोटाले इसिजी मेसिन,एक्सरे मेसिन,अल्ट्रा साउण्ड मेसिन र बेड लगायतका अत्यावश्क सामान दान गरेका रसुवाबासीका स्वास्थ्य उपचारमा सहजता गराएका थिए ।

Advertisement 2

बिगतमा देवकोटा कुनै सार्वजनिक पद र हैसियतमा नरहँदा नै गरेका सामाजिक कर्म हुन यी । जिल्लाको विकास र समुदायको हितको लागि शिक्षा स्वास्थ्य कृषि लगायतको क्षेत्रमा यति धेरै योगदान गर्ने धेरै कम व्यक्ति मध्ये पर्छन् हरिकृष्ण।बिगतमा कुनै सार्वजनिक पद वा हैसियतमा नरहँदा नै हरिकृष्णले आफ्नै बलबुताले शिक्षा,स्वास्थ्य,पर्यटनका क्षेत्रमा रसुवावासीलाई धेरै ठूलो गुन लगाएका छन् । कुनै स्वार्थ, लोभ वा लालचले भन्दा पनि विशुद्ध समाज सेवा गर्ने र कालिकालाई नमुना गाउँपालिका बनाएर देखाउने योजना बनाएका छन् ।