नेपाल प्रहरीको महानिरीक्षकमा धिरजप्रताप सिंह नियुक्त भएका छन् । आइतबार बसेको मन्त्रिपरिषद्को बैठकले सिंहलाई नेपाल प्रहरीको महानिरीक्षकमा नियुक्त गरेको हो । बिहान ११ बजेका लागि डाकिएको क्याविनेट बैंठकमा नेपाल प्रहरीको आईजीपी नियुक्तिमा प्रधानमन्त्री र गृहमन्त्रीबीच कुराकानी नमिल्दा मन्त्रिपरिषद्को बैठक ढिलो गरी बसेको थियो । आइजीका दावेदारका रुपमा विश्व पोखरेल,सहकुल थापा र रविन्द्र धानुकसहित धिरजप्रताप सिंह थिए । सिनियर तीन जनालाई पछि पार्दै सिंह नेपाल प्रहरीको महानिरीक्षक नियुक्त भएका हुन । २०४९ चैत ११ मा इन्स्पेक्टरमा भर्ना भएका विश्वराज पोखरेल, सहकुलबहादुर थापा र रबिन्द्रबहादुर धानुकलाई पछि पार्दै सिंह आईजीपीमा नियुक्त भएका हुन् ।

Advertisement 1

एकातिर निर्वाचनको नजिक बरियता मिचेर नियुक्त गर्दा कानुनी समस्यासँग जुद्नु पर्ने देखिएपछि गृहमन्त्री बालकृष्ण खाण, कानुनमन्त्री गोविन्द बन्दी र नेपाली काँग्रेसका अन्य शिर्ष नेताहरुले धिरजको नियुक्तिमा असमर्थन जनाएको थिए सोका बाबजुत पनि प्रधानमन्त्री देउवाले सिंहलाई आइजी नियुक्त गरेका हुन ।

यता आइजीपी नियुक्तिमा अन्याय भएको भन्दै अतिरिक्त महानिरीक्षकद्धय विश्वराज पोखरेल र सहकुल थापा अदालत जाने बताएका छन् । सिनियरको हिसाबले विश्वराज ७७ मंसिरमा एआइजी बढुवा भएका थिए । उनी ओली सरकारको पालामा एआइजी बढुवा भएका हुन । यस्तै ०७८ असारमा सहकुल थापा एआइजीमा बढुवा भएका थिए। गत चैत्रमा मात्र धिरजप्रताप सिंह र रवीन्द्र धानुक बढुवा भएका थिए। जुनियरलाई आइजीपी बनाएको भन्दै एआइजीहरु अदालत जाने बताएका छन् ।

Advertisement 2

त्यसका लागि उनले कानुन व्यवसायीहरुसंग समेत परामर्श गरिसकेका छन् ।सशस्त्रमा भने एआइजी राजु अर्याल एकल दावेदार थिए । क्याविनेटले सशस्त्र प्रहरीको महानिरीक्षक (आइजिपी) राजु अर्याललाई बनाउने निर्णय गरेको छ ।