शक्तिअनुसार प्रहरीका एसपीदेखि जनताबाट निर्वाचित मेयर, सांसद, मन्त्री प्रधानमन्त्री हुँदै राष्ट्रपतिसम्मले जहाज ‘डिले’ गराउँछन् । यस्तै भारत भ्रमणबाट हिजो साँझ स्वदेश फर्किएका प्रधानमन्त्री शेरबहादुर देउवा र उनको प्रतिनिधिमण्डल चढेको विमान यसअघि सार्वजनिक गरिएको समय तालिकाभन्दा झण्डै डेढ घण्टा ढिलो काठमाडौंमा अवतरण गरेको छ ।

Advertisement 1

नयाँ दिल्लीबाट उडेको जहाज साँझ पौने ८ बजे मात्र काठमाडौंमा अवतरण गरेको थियो । भ्रमण तालिकाअनुसार उक्त विमान सवा ६ बजे आइपुग्ने कार्यक्रम थियो ।

भट्टराईले ढिलो गर्दा जहाजभित्रै हुलहुज्जत
नेपालगन्जबाट काठमाडौं फर्कन लागेका पर्यटनमन्त्री योगेश भट्टराईका कारण उडानमा ढिलाइ भएपछि जहाजभित्रै पनि हुलहुज्जत भयो । ६ः४० मा उड्न तयार विमान मन्त्री भट्टराईले १६ मिनेट थप पर्खाए । त्यतिन्जेलसम्म यात्रुहरू आक्रोशित भइसकेका थिए । उनी विमानस्थल पुग्नेबित्तिकै ज्ञानेन्द्र शाहीलगायतका केही यात्रुले विमानबाहिरै उनलाई अपशब्द बोल्दै ढिलो आउनुको कारण माग गरे ।
राष्ट्रिय सभा अध्यक्ष तिमिल्सिनाले झन्डै आधा घन्टा रोकाए जहाज
१९ मंसिर ०७५ मा काठमाडौंबाट पोखरा जाने बुद्ध एयरको जहाजलाई राष्ट्रिय सभाका अध्यक्ष गणेश तिमिल्सिनाले करिब २५ मिनेट रोकाए । बिहान ११ः२० को उडान तालिका रहेको विमानमा यात्रुहरू समयमै बसिसकेका थिए । तैपनि विमान उडेन । करिब २५ मिनेटपछि अध्यक्ष तिमिल्सिना दलबलसहित विमानभित्र पसे, जहाज पनि स्टार्ट भयो । बल्ल यात्रुहरूले थाहा पाए, उनकै लागि जहाज रोकिएको रहेछ ।

Advertisement 2

आफ्नो कारण ३८ मिनेट उडान ढिलो हुँदा मेक्सिकोकी मन्त्रीको राजीनामा
मेक्सिकोकी वातावरणमन्त्रीले आफ्नो कारणले ३८ मिनेट उडान ढिला भएको भन्दै राजीनामा दिएकी थिइन् । मन्त्री योसेफा गोन्जालेज ब्लांको समयमै विमानस्थल नपुगेपछि उड्न ठिक्क परेको विमान रोकिएको थियो । उनको चर्को आलोचना भयो । लगत्तै उनले ट्विटरमार्फत माफी माग्दै राजीनामा दिएको बताइन् ।