प्रचण्ड क्याम्प छाडेर ओली क्याम्पमा लागेका पूर्व माओवादी नेतालाई प्रधानमन्त्री केपी शर्मा ओलीले मन्त्री बनाउँनै छन् ।
गत ५ पुसमा प्रचण्ड माधव खेमाका सात मन्त्रीले राजीनामा दिए पछि रिक्त स्थानमा उनीहरुलाई नियुक्त गरी प्रधानमन्त्री केपी शर्मा ओलीले मन्त्रिपरिषद् विस्तार गर्दैछन् ।
बालुवाटार स्रोतले दिएको जानकारीअनुसार प्रभु साह, टोपबहादुर रायामाझी, मणि थापा,दावा लामा,गौरीशंकर चौधरी मन्त्री बनाउने तयारी चल्दैछ । रायमाझीलाई उर्जा, श्रममन्त्रीमा प्रभु शाह, पर्यटनको जिम्मेवारी मणि थापालाई दिइएको छ ।
नयाँ थपिएका मन्त्रीहरूको शुक्रबार साँझ राष्ट्रपति कार्यालय शितल निवासमा सपथ हुने प्रधानमन्त्री ओलीका प्रेस सल्लाहकार सूर्य थापाले जानकारी दिए।
नयां मन्त्रीहरुको सपथ समेत आजै गर्ने तयारी छ । अहिले ६ बजे बोलाइएको मन्त्रिपरिषद्को बैठक दुई घण्टा पर सारेर आठ बजे क्याविनेट बैठक डाक्ने वालुवाटारको तयारी छ ।