प्राकृतिक स्रोत तथा वित्त आयोगले मुलुकभरका ७५३ स्थानीय तहको कार्यसम्पादन मूल्यांकन रिर्पोट सार्वजनिक गरेको छ । आयोगले कार्यसम्पादन मूल्यांकनका लागि तयार पारेका ११ वटा सूचक र स्थानीय तहको प्रायोजनका लागि तयार पारेका १७ वटा सूचकका साथैं सम्बन्धित स्थानीय तहबाट प्राप्त तथ्यांकका आधारमा यो रिर्पोट सार्वजनिक गरेको जनाएको छ । आयोगका रिर्पोट अनुसार २४ वटा स्थानीय तहले ४० भन्दा कम अंक पाएका छन् । यस्तै १ सय ९६ स्थानीय तहले ५० भन्दा कम अंक ल्याएका छन् । दुई सय स्थानीय तहले ५० अंक कटाउन सकेका छैनन । ४२ तहले ७० भन्दा बढी अंक ल्याएका छन् । यस्तै दुई सय ४९ स्थानीय तहले ६० भन्दा बढी अंक ल्याएका छन् । कार्यसम्पादन रिर्पोटमा सबैभन्दा बढी बढी अंक ल्याउने गाउँपालिकामा अजयमेरु गाउँपालिका रहेको छ । सो पालिकाले ७८ दशमलव ६९ अंक प्राप्त गरेको छ ।
सबैभन्दा कम अंक ल्याउने पालिका बनेको छ धादिङको गल्छी गाउँपालिका । उस्ले ३५ अंक ल्याएको छ ।