प्रधानमन्त्री शेरबहादुर देउवाले यही हप्तामा मन्त्रिपरिषदलाई पूर्णता दिन जुटेका छन् । अहिले दुई मन्त्रालय रक्षा र उद्योग मन्त्रालय मन्त्रीविहीन रहेको छ । सो मन्त्रालय अहिले प्रधानमन्त्री देउवाले काधमा छ । तर अब भने देउवाले उक्त मन्त्रालयहरुलाई पनि पूर्णता दिने भएका छन् ।

Advertisement 1

डा मिनेन्द्र रिजालले रक्षामन्त्रीबाट राजीनामा दिइसकेका छन् भने। उद्योग, बाणिज्य तथा आपूर्ति मन्त्रीमा नियुक्त भएका गजेन्द्र हमालले पनि राजीनामा दिइसकेका छन् । अब नयाँ मन्त्रीका रुपमा को आउने भन्ने चर्चासमेत काँग्रेसमा चल्न थालेको छ ।

प्रधानमन्त्री देउवाले काँग्रेसको १४औँ महाधिवेशनम आफ्रूलाई सभापति बनाउन प्रशस्तै सहयोग गरेका प्रकाशमान सिंह वा उनको रोजाइमा एक मन्त्री नियुक्त गर्ने लगभग निश्चित जस्तै भएको काँग्रेसमा चर्चा छ । सम्भवत नेता प्रकाशमान सिंहलाई नै उपप्रधानमन्त्रीसहित गृह मन्त्रीको जिम्मा दिइन सक्ने एक पक्षको भनाइ छ ।

Advertisement 2

उक्त अवस्थामा वर्तमान गृहमन्त्री बालकृष्ण खाँडलाई रक्षाम तानिने छ । तर प्रकाशमान मन्त्री बन्ने अनिच्छुक भएको अवस्थामा सिंहकै रोजाईमा कुनै एक मन्त्री बन्ने लगभग निश्चित भएको स्रोतले बतायो ।