काठमाडौं । बाल्ट्रा नेपालद्वारा उत्पादित घरेलु सामान प्रयोगमा खतराको उपकरण बन्दै गएको छ । पछिल्लो समय बाल्ट्राले आफ्नो सामान बिक्री वितरणमा चलाखीपूर्ण टेक्निक अपनाएर उपभोक्तालाई ठग्ने गरेको गुनासो छताछुल्ला भएको छ ।

Advertisement 1

कुनै बेला बाल्ट्राका सामान भनेपछि उपभोक्ताहरु ढुक्कले प्रयोग गर्ने गर्दथे । अहिले बाल्ट्राद्वारा उत्पादित सामानहरुको प्रयोग र सर्भिसमा गुनासैगुनासाको चाङ्ग लागेको पाइन्छ । उपभोक्ताले सर्भिस र गुणस्तरको गुनासो लिएर सम्बन्धित सर्भिस सेन्टरमा पुग्दा रेस्पोन्स गर्नुको साटो उल्टै जिम्मेवारीबाट पन्छिने गरेको पाइन्छ ।

‘मैले वाटर डिस्पेन्चर किनेको १५ दिनमै बिग्रियो । किन यस्तो भयो भनेर सर्भिस सेन्टरमा बुझ्दा जाँदा जहाँबाट किन्नुभएको हो त्याहिँ जानुस् यो हाम्रो समस्या होइन भन्ने जवाफ पाइयो,’ ‘शिवशंकर यादव बताउँछन् ।

Advertisement 2

अर्का उपभोक्ता शैलेस अग्रवाल बताउँछन्, ‘म त यो कम्पनीको सान किनेर गुनासो गर्दागर्दा थाकिसकेँ अब त यस कम्पनीको सामानको प्रयोग आपूm पनि गर्दिँन र अरुलाई पनि नगर्न सुझाव दिन्छु ।’ बाल्ट्रा नेपालले बजारबाट गुणस्तरहीन सामान ल्याएर आफ्नो लोगो र स्टिकर टाँसेर उपयोगी, गुणस्तरीय र टिकाउ भनी उपभोक्तालाई ठग्दै आएको गुनासो छ ।

यसरी गुनासो पोख्न आएकाहरुबारे हामीले बाल्ट्राका ब्रान्ड प्रवन्धकसँग कुरा गर्दा, ‘यो हाम्रो समस्या हो तपाईंहरुले किन बोल्नुप¥यो ? हाम्रो समस्या हामी आफैं समाधान गरौं कि नगरौं यसमा तपाईंहरु नबोल्नुस्’, भन्ने जवाफ दिने गरेको पीडितले दुखेसो छ ।