एमाले रसुवा अध्यक्षमा कर्णेल लामा,१८ जिल्ला निर्विरोध नेतृत्व चयन
नेकपा (एमाले) रसुवाको नेतृत्व पुन कर्णेल लामाको काँधमा पुगेको छ । हिजो रात अबेर सम्पन्न आठौं जिल्ला अधिवेशनले एमाले रसुवा जिल्ला अध्यक्षमा कर्णेल लामा, उपाध्यक्षमा दिल्ली सुवेदी, सचिवमा जनार्दन ढकाल, सहसचिवमा कैसाङ नुर्पु तामाङ्ग र बेली बुलुनलाई सर्वसम्मत चयन गरेको निर्वाचन समितिले जानकारी दिएको छ ।
Advertisement 1
शुक्रबारबाट सुरु भएको ६३ जिल्लाको अधिवेशनमा रसुवा सहित १८ वटा जिल्लाले निर्विरोध नेतृत्व चयन गरेको छ ।
हालसम्म झापाबाट दीपक कार्की,पाल्पाबाट धनेन्द्रराज घिमिरे,दाङमा हुकुमबहादुर बस्नेत,डोल्पाबाट शेरबहादुर बुढा,सल्यानमा गोविन्द पुन निर्विरोध नेतृत्व चयन भएका छन् ।
Advertisement 2
यस्तै बर्दियाबाट लालबहादुर श्रेष्ठ,बॉके जिल्लाबाट किस्मतकुमार कक्षपति,धादिङका अध्यक्षमा भूमि त्रिपाठी,अर्घाखाची अध्यक्षमा पीताम्बर भुसाल चयन हुँदा मोरङका अध्यक्षमा ऋषिकेश पोखरेल,काभ्रेबाट अशोक ब्याञ्जु,मजदुर विशेषका अध्यक्षमा जितेन्द्र श्रेष्ठ,भक्तपुरका अध्यक्षमा बचन देउजा,गुल्मी अध्यक्षमा बालसिंह काउछा,पेशागत विशेषबाट उमेश ढकाल,खोटाङ जिल्ला अध्यक्षमा रामप्रसाद दंगाल र सप्तरीबाट ताराकान्त चौधरी निर्विरोध चयन भएका एमाले प्रचार विभागका सचिव
विष्णु रिजालले जानकारी दिएका छन् ।
