मनाङ पूर्वराज्यमन्त्री गुरूङले कांग्रेस केन्द्रीय सदस्यमा उम्मेदवारी दिने
कांग्रेसको १४औँ महाधिवेशनमा पूर्वराज्यमन्त्री एवं नेपाली कांग्रेसका नेता टेकबहादुर गुरूङले पार्टी केन्द्रीय सदस्य पदमा उम्मेदवारी दिने भएका छन्।
Advertisement 1
श्रम तथा रोजगार पूर्वराज्यमन्त्री गुरूङले यही मंसिर २४ गतेदेखि २७ गतेसम्म हुने कांग्रेसको १४ औं महाधिवेशनमा गुरूङले केन्द्रीय समिति सदस्य पदमा उम्मेदवारी दिने इकर्मचारीलाई बताए। आफू जनजाति कोटातर्फ केन्द्रीय सदस्य पदमा उम्मेदवार हुने उनले बताए।
उनी मनाङ कांग्रेसका पूर्वसभापति हुन् भने उनी सुशील कोइराला प्रधानमन्त्री हुँदा श्रम तथा रोजगार राज्यमन्त्री थिए। उनी मनाङबाट महाधिवेशन प्रतिनिधि र महासमिति सदस्य पनि छन्।
Advertisement 2
मनाङ जिल्लामा दुई पटकसम्म सर्वसम्मत पार्टी सभापति बनेका गुरुङले कांग्रेसको संगठन निर्माणमा ठूलो योगदान दिएका छन् । मनाङ जिल्लामा हालै आएको बाढीपहिरोको प्रकोपमा जनतालाई खाद्यान्नसहितको सहयोग गरेका थिए । गण्डकी प्रदेशका जिल्ला नेताहरूमा उनको राम्रो सम्बन्ध छ ।
सभापति शेरबहादुर देउवा निकट मानिने नेता गुरुङले कांग्रेसलाई कम्युनिस्टसँग भिड्नका लागि तयारी अवस्थामा राख्न १४औँ महाधिवेशनले नेतृत्व चयन गर्नुपर्ने बताए ।
