राप्रपाको अध्यक्ष पदमा पूर्व उपप्रधानमन्त्री समेत रहेका कमल थापा पराजित भएका छन् । उनलाई राष्ट्रिय प्रजातन्त्र पार्टी एक मात्र निर्वाचित सांसद राजेन्द्र लिङदेन बिजयी भएका छन् । लिङ्देनले १८४४ मत पाउँदा थापाले १६१७ मत ल्याए । अर्थात थापालाई राजेन्द्रले २२७ मतान्तरले हराएका हुन । मतगणनामा ४३१ मत बदर भएको बताइएको छ ।

Advertisement 1

यता कमल थापाले निर्वाचनमा पराजय बेहोरे पनि पदाधिकारीमा उनी निकटकाहरुको बाहुल्य छ ।
राप्रपामा चार उपाध्यक्षमध्ये तीन जना कमल थापा समूहका विजयी भएका छन् । ठेकेदार विक्रम पाण्डे सर्वाधिक २५२१ मत पाए। थापा प्यानलबाटै उठेका बुद्धिमान तामाङ र ध्रुवबहादुर प्रधान उपाध्यक्षमा विजयी भए। महिला उपाध्यक्षमा पनि कमल थापा समूहकै रोशन कार्की १५८९ विजयी भएकी छिन् ।
यस्तै तीन महामन्त्रीको प्रतिस्पर्धामा लिङ्देन पक्षका धवलशम्शेर राणाले सर्वाधिक २२२१ भोट ल्याएर विजयी भए। बाँकी दुई जना कमल थापा समूहका विजयी भए। थापा पक्षका भुवन पाठक १७०५ भोट ल्याएर विजयी हुँदा महिला महामन्त्रीतर्फ थापा समूहकै कुन्तीकुमारी शाही विजयी भइन्।

आफू पराजित भएसँगै कमल थापाले पूर्वराजा ज्ञानेन्द्र शाहलाई आरोपित गरेका छन्। उनले फेसबुकमा स्टाटस लेख्दै ‘निर्मल निवासको नांगो हस्तक्षेपको भत्सर्ना’ गरेका छन्।
‘प्रजातान्त्रिक मूल्य र मान्यता आत्मसात गर्दै राप्रपा अध्यक्ष पदको निर्वाचनमा भएको पराजय सहर्ष स्वीकार गर्दछु। नवनिर्वाचित अध्यक्ष राजेन्द्र लिङदेनलाई बधाई तथा शुभकामना,’ थापाले लेखेका छन्, ‘प्रतिकूल परिस्थितिमा समेत हामीमाथि विश्वास र भरोसा गर्ने पार्टीका सम्पूर्ण साथीहरुमा आभारी छु। पार्टीको आन्तरिक प्रतिस्पर्धामा निर्मल निवासको नाङ्गो हस्तक्षेपको भत्सर्ना गर्दछु।‘

Advertisement 2

उनले आफूले राहत र उन्मुक्ति पाएको बताएका छन्। ‘सिंगो मुलुक गणतन्त्रमय भएको बेला शिरमा कफन बाँधेर २०६३ सालदेखि राजसंस्था बोकेर हिँडेको पुरस्कार आज पाइयो। सो एजेण्डाको मूल संवाहकलाई राजनीतिक रुपमा समाप्त पार्न गरिएको चेष्टाले राजाको भलो होस्। हार्दिक शुभकामना ।