एमालेका १९ पदाधिकारीमध्ये यी ५ भए निर्विरोध
अन्तत एमालेको महाअधिवेशन सर्वसहमत हुन सकेन । १९ पदाधिकारी रहने एमाले पार्टीमा १४ पदका लागि निर्वाचन हुने भएको छ भने ५ जना निर्विरोध चयन भएका छन् । एमाले अध्यक्ष केपी शर्मा ओलीले तयार पारेको पदाधिकारीको सूचीमा छन् अध्यक्षमा केपी शर्मा ओलीसहित बरिष्ठ उपाध्यक्षमा ईश्वर पोखरेलको नाम सिफारिस गरेका ओलीले उपाध्यक्षमा युवराज ज्ञवाली, अष्टलक्षी शाक्य, सुरेन्द्र पाण्डे रामबहादुर थापा बादल, विष्णु पौडेल,सुवास नेम्बाङ, महासचिवमा शंकर पोखरेल,यस्तै उपमहासचिवत्रयमा प्रदीप ज्ञवाली, पृथ्वीसुब्बा गुरुङ र विष्णु रिमालको र टोपबहादुर रायमाझी, रघुवीर महासेठ, छविलाल विश्वकर्मा, लेखराज भट्ट, योगेश भट्टराई, गोकर्ण विष्ट र पदमा अर्याललाई सचिवका रुपमा सिफारिस गरेका थिए ।
जसमध्ये एमालेको वरिष्ठ उपाध्यक्ष, महासचिव र उपमहासचिव निर्विरोध चयन भएका हुन । अध्यक्ष,उपाध्यक्ष र सचिव पदका लागि मात्र उम्मेद्धारी परेपछि ५ पदाधिकारी निर्विरोध चयन भएका हुन । निर्धारित समयसम्म अन्य कसैको पनि उम्मेदवारी नपरेपछि अध्यक्ष केपी शर्मा ओलीले प्रस्ताव गरेका वरिष्ठ उपाध्यक्ष ईश्वर पोखरेल, महासचिव शंकर पोखरेल, उपमहासचिव प्रदीप ज्ञवाली, पृथ्वीसुब्बा गुरुङ र विष्णु रिमाल निर्विारोध भएका हुन्।
Advertisement 1
अध्यक्षमा केपी शर्मा ओली र भीम रावलबीच प्रतिस्पर्धा हुने भएको छ। उपाध्यक्षमा घनश्याम भूसाल र सचिवमा भीम आचार्य तथा टंक कार्की भिड्ने भएका हुन ।
