भीम रावल एमाले अध्यक्षमा उम्मेदवारी दिने घोषणा
आइतबार राजधानीमा विशेष पत्रकार सम्मेलन गरेर एमाले उपाध्यक्ष भीम रावलले पार्टी अध्यक्षमा उम्मेदवारी घोषणा गर्ने भएका छन् ।
Advertisement 1
चितवनमा आगामी मंसिर १०–१२ सम्म हुने महाधिवेशनमा वर्तमान उपाध्यक्ष रावलले उम्मेदवारी दिने भएसँगै केपी ओलीको सर्वसम्मत अध्यक्ष बन्ने योजनामा धक्का लाग्ने देखिएको छ ।
‘आज विशेष पत्रकार सम्मेलन गरेर १० औं महाधिवेशनमा अध्यक्षमा उम्मेदवारी घोषणा गर्न लाग्नुभएको छ’, उनले भने । रावलले टीम बनाएरै चुनाव लड्नेगरी तयारी थालेको बताइएको छ ।
१० बुँदे सहमति कार्यान्वयन नभएपछि रावल ओलीप्रति असन्तुष्ट रहेका छन् । उनले १० बुँदे सहमति कार्यान्वयनका लागि गठित कार्यदलको संयोजकबाट राजीनामा समेत दिएका थिए।
Advertisement 2
एमालेका तत्कालीन वरिष्ठ नेता माधव कुमार निकट मानिएका रावल एमालेमै संघर्ष गर्ने भन्दै नेपालको पार्टीमा गएका थिएनन् । तर एमाले अध्यक्ष ओलीले सहमति कार्यान्वयन नगरेको भन्दै रावलले पार्टीभित्र निरन्तर आफ्नो असन्तुष्टि राख्दै आएका छन् ।
एमाले संस्थापनले १० औँ महाधिवेशनबाट अध्यक्षसहितको पदाधिकारी सर्वसम्मतरुपमा छान्ने तयारी गरेको छ । तर रावललगायतले पार्टी रुपान्तरण हुनुपर्नेमा जोड दिँदै आएका छन् ।
