ह्वावेद्वारा ह्वावे कनेक्ट २०२१ को आयोजना – डिजिटल कनेक्टिभिटीमा समर्पित वार्षिक औद्योगिक कार्यक्रम
‘डाइभ इन्टु डिजिटल’ थिममा ह्वावे नेपालले नोभेम्बर आफ्नो वार्षिक औद्योगिक कार्यक्रम “ह्वावे कनेक्ट २०२१”आयोजना गरेको छ । सञ्चार तथा सूचना प्रविधि मन्त्रालयका सहसचिव अनिल कुमार दत्त, दूरसञ्चार तथा इन्टरनेट सर्भिस प्रोभाइडर क्षेत्रका सरोकारवालाहरू लगायतको उपस्थितीमा कार्यक्रम आयोजना भएको हो ।
Advertisement 1
ह्वावेले दिउँसोको समय मोबाइल र फिक्स्ड ब्रोडब्यान्ड, डाटा सेन्टर, डिजिटल सोलार एनर्जी, क्लाउड सेवा र फाईभजी जस्ता प्रविधिहरूको व्यावहारिक एप्लिकेशनहबारे छलफल भएको थियो । ह्वावेका अन्तर्राष्ट्रिय वक्ताहरु र नेपालमा रहेका ह्वावेका व्यापारिक साझेदारहरुले कार्यक्रममा आ–आफ्ना प्रस्तुति दिए ।
कार्यक्रमका लागि स्वागत मन्तव्य ह्वावे एशिया प्यासिफिकका उपाध्यक्ष तथा ह्वावे नेपाल बोर्डका अध्यक्ष चाङ चङचुनले राखेका थिए । चुनले महामारीको अवधिमा विश्वभरका सबै व्यक्तिका लागि डिजिटल प्रविधि र कनेक्टिभिटी आवश्यक भएको र उन्नत कनेक्टिभिटी र कम्प्युटिङले आर्थिक पुनरुत्थान र वृद्धिमा महत्वपूर्ण भूमिका खेल्ने कुरामा प्रकाश पारे । उनले डिजिटल प्रतिभा विकास गर्ने नेपालको क्षमतामा ठूलो विश्वास व्यक्त गर्दै यस क्षेत्रको डाटा सेन्टर हबको रूपमा नेपाल अघि बढ्ने आशा पनि व्यक्त गरे ।
Advertisement 2
कार्यक्रममा बोल्दै सहसचिव दत्तले भरपर्दो र व्यापक डिजिटल कनेक्टिभिटीको आवश्यकता र महामारी पछिको पुनः प्राप्तिको लागि डिजिटल डिभाइडलाई जोड्न आवश्यक रहेको कुरामा जोड दिए । उनले महामारीको समयमा पनि फोर जी विस्तारमा ह्वावेको भूमिकालाई लिएर प्रशंसा गरे ।
कार्यक्रममा ह्वावेले त्रिभुवन विश्वविद्यालय इन्स्टिच्युट अफ इन्जिनियरिङ्सँगको सहकार्यको औपचारिक सुरुवात गरेको थियो । आफ्नो डिजिटल ट्यालेन्ट डेभलपमेन्ट इकोसिस्टम पहल अन्तर्गत, ह्वावेले आगामी ५ वर्षमा १०,००० डिजिटल प्रतिभाहरू विकास गर्ने आशा राखेको छ ।
Advertisement 3
विश्वविद्यालयसँग सहकार्य गर्दै ह्वावेले ह्वावे नेपाल आइसीटी एकेडेमी, एक अत्याधुनिक आइसीटी ल्याब निर्माण गर्नेछ । जहाँ विद्यार्थीहरूको पहुँच नवीनतम प्रविधि र ह्वावेका सर्टिफिकेशन कार्यक्रमहरूसम्म हुनेछ र ह्वावे विशेषज्ञहरूद्वारा प्रदान गरिएका कक्षाहरूमा पनि उपस्थित हुन पाउनेछन् । विश्वविद्यालयका एक्टिङ डीन प्राडा चिन्तामणि पोखरेल र ह्वावे नेपालका प्रमुख कार्यकारी अधिकृत विलियम चाङले समझदारीपत्रमा हस्ताक्षर गरे ।
कार्यक्रममा ह्वावे डार्विन हलको भर्चुअल भ्रमण देखाइएको थियो । यसको फाइभ जी प्रदर्शनी हल ह्वावे मुख्यालय शेन्जेनमा पर्यटन देखि ग्रामीण टेलिमेडिसिन र ग्रामीण शिक्षालाई सक्षम पार्न फाइभ जी को व्यावहारिक एप्लिकेशनको बारेमा कुरा गरे ।
