सरकार परिवर्तनसँगै सरकारी कर्मचारी संयन्त्र फेरबदल गरिनु नौलो कुरा होइन । तर,अहिले अर्थ मन्त्रालयमा गरिएको कर्मचारीको पजनीचाहिँ उदेकलाग्दो छ । मन्त्रीलाई छानीछानी रुकुमेली र माओवादी चाहिएकै शैलीमा सचिवले पनि नाता गोता र आफन्तलाई छानेर रोज्जाका ठाउँमा लैजाने प्रक्रिया प्रारम्भ भएको छ ।
मन्त्री जनार्दन शर्माले एमालेप्रति आस्थावान कर्मचारीहरुलाई खेदेर त्यहाँ माओवादी त्यसमा पनि रुकुमका एकाघरका आफन्तले भरेका छन् । दीर्घ मैनाली,रामेश्वर दंगाल,यामलाल भुषाल,झक्क आचार्य,सुमन दाहाल लगायत एकै पटक खेदिनेमा परे ।

Advertisement 1

झक्कले ५ महिना जिम्मेवारी सम्हाल्न नपाउँदै अर्थमा जगेडामा राखेर अहिर्ले कर्णाली प्रदेशको आन्तरिक मामिला तथा कानून मन्त्रालयतिर पु¥याइएको छ । भन्सारका हाकिम रहेका यामलाल भुषाललाई उसैगरी मन्त्रालयमा जगेडामा तानेर अहिले बागमती प्रदेशको मुख्यमन्त्री तथा मन्त्रिपरिषदको कार्यालय हेटौंडा पठाइएको छ । अर्थमा चाहिँ रमेश कुमार केसीहरुलाई तानियो । केसी गण्डकी प्रदेशको आर्थिक मामिला तथा योजना मन्त्रालयमा तीन महिना अघि मात्र पुगेका थिए । उनलाई मन्त्रालयमा तानेर अघिल्लो आइतबारमात्र वित्तीय क्षेत्र तथा संस्थान समन्वय महाशाखाको जिम्मेवारी दिइएको छ ।

उसो त अर्थमन्त्री जनार्दन शर्माले अर्थमन्त्री बनेसँगै ५८ बर्षे उमेर हदका कारण घर जान लागेका सचिव शिशिर ढुंगानालाई प्रधानमन्त्री तथा मन्त्रिपरिषद्को कार्यालयतिर खेदेर मधुकुमार मरासिनीलाई सचिव बनाए । जुनियर नै भए पनि भर्खरै बढुवा भएका कृष्णहरि पुस्करलाई राजश्व सचिवको जिम्मेवारी दिइएको छ । उपसचिवलाई पठाएँदै आएको एसियाली विकास बैंकको प्रतिनिधिमा आफ्नै भाञ्जीज्वाईं भीमकान्त न्यौपानेलाई पठाए । अघिल्लो सरकारले पठाएका रमेश अर्याललाई १५ दिनमै फिर्ता तानेर त्यहाँ भान्जीज्वाई न्यौपानेलाई पठाएका हुन् । मुख्यसचिव, सहसचिवलाई पठाउने एडीबीमा शाखा अधिकृत न्यौपानेलाई पठाए पछि कर्मचारी वृत्तमा मन्त्री आलोचित छन ।
अर्थमन्त्री शर्माले रमेशकुमार केसीलाई मन्त्रालयमै तानेपछि अहिले त्यहाँ एकाघरका ५ जनासहित ६ जना रुकुमेलीले भरिएका छन् ।

Advertisement 2

रमेशलाई वित्तीय क्षेत्र तथा संस्थान समन्वय महाशाखाको प्रमुख बनेका छन् भने उनका भाइ कृष्णबहादुर केसी मन्त्री शर्माको निजी सचिवका रुपमा कार्यरत छन् । उनकी बहिनी सुवर्णप्रभा केसी नायब सुब्बा हुन् । उनलाई पनि मन्त्रीको सचिवालयमौ राखिएको छ । उपसचिव दिलिप केसीकी श्रीमती ईश्वरी केसी पनि अर्थ मन्त्रालय अन्तर्गत कार्यरत छिन् ।

उता,सचिव मधुकुमार मरासिनी पनि मन्त्रीकै पथमा अघि बढ्दै आफ्नै हात जगन्नाथ गराएका छन् । सचिव मधुकुमार मरासिनीले आफ्नै भाइ शम्भुलाई धेरै पैसा कमाई हुने कार्यालय मध्येका एक मध्यमस्तरीय करदाता कार्यालयको हाकिम बनाएर पठाएका हुन् । शम्भु यस अघि त्रिभुवन अन्तराष्ट्रिय विमानस्थलस्थित भन्सारबाट आन्तरिक राजस्व विभागको उपमहानिर्देशकका रुपमा सरुवा भएका एक बर्ष पनि पुगेको छैन् । मध्यमस्तरीय करदाता कार्यालयका प्रमु्ख रहेका अर्जुनप्रसाद भट्टराईलाई अन्यन्त्रै खेदेर त्यहाँ उनले आफ्नो भाईलाई सेटल गराएका छन् ।