काठमाडौं। लोक सेवा आयोगले नायब सुब्बासहित विभिन्न तीन पदको लिखित परीक्षाको नतिजा सार्वजनिक गरेको छ।

Advertisement 1

आयोगको केन्द्रीय कार्यालयले शनिबार सूचना जारी गर्दै दिपायल कार्यालयअन्तर्गत सञ्चालित विभिन्न विज्ञापनका लिखित परीक्षाको नतिजा सार्वजनिक गरेको हो।

आयोगका अनुसार दिपायल कार्यालयको विज्ञापन नं. १५८१३÷०८२–८३ (महिला) अन्तर्गत वन सेवा, हात्तीसार समूह, राजपत्र अनंकित प्रथम श्रेणी, नायब सुब्बा पदको लिखित परीक्षाको नतिजा सार्वजनिक गरिएको छ।

त्यस्तै, विज्ञापन नं. १५८१२÷०८२–८३ (आ.ज.) अन्तर्गत वन सेवा, नेपाल एण्ड वाइल्ड लाइफ समूह, राजपत्र अनंकित प्रथम श्रेणी, रेञ्जर पदको लिखित परीक्षाको नतिजा पनि प्रकाशन गरिएको आयोगले जनाएको छ।

यसैगरी, विज्ञापन नं. १५८०८–१५८११÷०८२–८३ (खुला तथा समावेशी) अन्तर्गत कृषि सेवा, खाद्य पोषण तथा गुण नियन्त्रण समूह, राजपत्र अनंकित प्रथम श्रेणी, प्राविधिक सहायक पदको लिखित परीक्षाको नतिजा समेत सार्वजनिक गरिएको छ।

आयोगले सम्बन्धित उम्मेदवारले आफ्नो नतिजा तथा परीक्षासम्बन्धी थप विवरण आयोगको सूचनाबाट हेर्न सक्ने जनाएको छ।