१ वर्षमा ६ वटा पाटेबाघ मरे
चितवन। चितवन राष्ट्रिय निकुञ्जमा चालु आर्थिक वर्षमा ६ वटा पाटेबाघ मृत फेला परेका छन्। सोमबार निकुञ्ज क्षेत्रको सिजीघाट नजिकबाट अन्दाजी २ वर्षको भालेबाघ मृत भेटिएसँगै मरेका बाघको सङ्ख्या छ पुगेको हो।
Advertisement 1
बाघको आक्रमणबाट सो बाघ मरेको निकुञ्जका सूचना अधिकारी अविनाश थापामगरले जानकारी दिनुभयो। उहाँका अनुसार यस वर्ष मृत भेटिएका बाघमध्ये २ वटा भाले, ३ वटा पोथी र एउटाको पहिचान हुन सकेको छैन। मृत भेटिएका बाघमध्ये २ वटा जुधेर मरेका हुन्। ३ वटा उद्धार गरिराखेको अवस्थामा मरेका हुन् भने एउटा प्राकृतिक कारणले मरेको उनले जानकारी दिए।
अघिल्लो गणनाअनुसार यस निकुञ्जमा १२८ वटा बाघ रहेका थिए। यस वर्ष गरिएको गणनाको नतिजा सार्वजनिक गरिएको छैन।
प्रकाशित :२०८३ बैशाख २३, बुधबार १५:५४
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
