काठमाडौं। डडेल्धुरा अस्पतालले एक विज्ञप्ति जारी गर्दै करार सेवामा कार्यरत केही कर्मचारीलाई बैशाख १ गतेदेखि हाजिर नगर्न अनुरोध गरेको छ।

Advertisement 1

अस्पतालका अनुसार विगत लामो समयदेखि कार्यरत रहे पनि पद मिलान हुन नसकेका करार कर्मचारीहरूको हकमा मिति २०८२/१२/०५ गते बसेको अस्पताल विकास समिति र अस्पताल प्रशासनको निर्णयअनुसार यस्तो निर्णय गरिएको हो। अर्को व्यवस्था नभएसम्मका लागि २०८३ साल बैशाख १ गतेदेखि हाजिर नगर्न सम्बन्धित सबैलाई आदेशअनुसार अनुरोध गरिएको अस्पतालले जनाएको छ।

साथै, पद मिलान हुन नसकेका कर्मचारीहरूको व्यवस्थापनका लागि आवश्यक प्रक्रिया अघि बढाइरहेको पनि अस्पताल प्रशासनले जानकारी दिएको छ।

Advertisement 2

देशभर अस्पतालमा प्रशस्त रूपमा करारका कर्मचारी रहेका छन्। उनीहरूलाई सरकारले के गर्छ भन्ने कुरा चासोका रूपमा हेरिएको छ। डडेल्धुरा अस्पतालले सुरू गरेपछि सरकारलाई करारका कर्मचारी हटाउन दबाब पर्ने देखिएको छ।