काठमाडौं। स्थानीय बजारमा सुनचाँदीको मूल्यमा उल्लेख्य वृद्धि भएको छ। ३ दिनको अन्तरालमा सुन र चाँदी दुवैको मूल्यमा तीव्र वृद्धि भएको हो।

Advertisement 1

नेपाल सुनचाँदी व्यवसायी महासङघका अनुसार आज १ तोला सुनको मूल्य रु २ लाख ७६ हजार ५०० र त्यति नै चाँदीको मोल रु ५ हजार ३४० कायम भएको छ।

गत आइतबार प्रतितोला रु २ लाख ७० हजार ६०० मा कारोबार भएको छापावाला सुन हिजो तोलामा रु चार हजार १००ले बढेर २ लाख ७४ हजार ७०० कायम भएको थियो।

Advertisement 2

यसैगरी, चाँदीको मूल्य पनि बढेको छ। आइतबार प्रतितोला रु ४ हजार ९९० मा खरिदबिक्री भएको १ तोला चाँदी हिजो रु ५ हजार १९५ मा किनबेच भएको थियो।

अमेरिकी डलरको उतारचढाव तथा विश्वव्यापी आर्थिक अनिश्चितताका कारण स्थानीय बजारमा सुनचाँदीको मूल्य बढेको व्यवसायीहरूले बताएका छन्।

अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा १ औँस सुन ४ हजार ५८८ र त्यति नै परिमाणको सेतो धातु ८४ अमेरिकी डलरमा कारोबार भइरहेको छ।