नयाँ भेरियन्ट सहितको दोस्रो चरणको कोरोना फैलिएपछि बढ्दो सङ्क्रमितको सङ्ख्यासँगै मनाङमा उनीहरूको उपचारमा समस्या देखिएको छ ।
उपचारको समस्या न्युनिकरण भएको छैन भने व्यवस्थित आइसोलेसनको अभावमा जटिल प्रकारका सङ्क्रमितलाई टेन्टमा राखेर उपचार गर्नुपर्ने अवस्था रहेको छ। जिल्लामा तीन कोभिड अस्पतालमा डाक्टर छैनन्, आइसोलेसन नहुँदा टेन्टमा राखेर सङ्क्रमितको उपचार गर्नु परिरहेको छ । सङ्क्रमितको स्वास्थ्य जटिल भएमा हेलिकप्टर चार्टड गरेर पोखरा वा काठमाडौं पुर्याउनुको विकल्प छैन । समयमा हेलिकप्टर आउने अवस्था नहुँदा सङ्क्रमितलाई अस्पतालको पहुँचसम्म पु¥याउन समेत मुश्किल छ ।

Advertisement 1

स्थानीय तहले आइसोलेसन वार्ड तयार पारिरहे पनि सम्पन्न भएका छैनन् । त्यसैले केही दिनअघि सङ्क्रमण पुष्टि भएका एक दम्पतीलाई टेन्टमा राखेर तीन दिनसम्म उपचार गर्दा स्वास्थ्य जटिल भएपछि पोखरा लगिएको थियो । आइसोलेसन निर्माण हुँदै गरेकाले तत्कालको लागि त्यसरी नै टेण्टमुनि राखेर उपचार गर्नुपर्ने बाध्यता रहेको छ ।

यो बिकराल अवस्थामा मनाङ जिल्लाबाट प्रतिनिधि सभामा प्रतिनिधी गर्ने एक सांसद र होटल ब्यबसायी मिलेर आइस्वलेसन र अक्सिजनको अभाव हुनबाट रोकेका छन् । सांसद कर्म घले र सोहि जिल्लका स्थानीय होटल व्यवसायी विनोद गुरुङ मिलेर मनाङ ङिस्याङ गाउपालिकामा बिजुलीबाट चल्ने अक्सिजन मेशिन १ थान, अक्सिजन दिंदा प्रयोग हुने मास्क ठुलो १०, सानो १० गरि जम्मा २० वटा दिएका छन् । त्यस्तै गुरुङले आफ्नै होटल गती ३ बेड आईस्वलेसनमा प्रयोग गर्न दिएका छन् । आइसोलेसन निर्माणको अन्तिम चरणमा भनिए पनि कहिलेदेखि सञ्चालनमा आउँछ भन्न सक्ने अवस्था छैन । जिल्ला अस्पतालको नयाँ भवनको निर्माण भइरहेको र पुरानो भवनमा सङ्क्रमितका लागि पर्याप्त कोठा नहुँदा आइसोलेसन वार्ड सञ्चालन गर्न नसकिएको अवस्थामा हामीले यस्तो काम गरेका हौं गुरुङले बताए ।