काठमाडौं। बुधबारदेखि एनपीएलको प्लेअफ चरणका खेल हुने भएका छन्। बुधबार र बिहीबार प्लेअफका खेल हुने नेपाल प्रिमियर लिग (एनपीएल)ले जानकारी दिएको छ।

Advertisement 1

एनपीएलले जारी गरेको तालिकाअनुसार बुधबार बिहान पहिलो खेल एलिमिनेटरको हुनेछ। बुधबार बिहान ९ बजेदेखि एलिमिनेटरको खेल कर्णाली याक्स र चितवन राइनोजबीच हुनेछ। त्यस्तै दिउँसो १ बजेदेखि क्वालिफायर–१ मा सुदूरपश्चिम रोयल्स र जनकपुर बोल्ट्सले बुधबार प्रतिस्पर्धा गर्ने भएका छन्।

एलिमिनेटरमा जित्ने टिमले क्वालिफायर–१मा हार्ने टिमसँग फाइनलका लागि क्वालिफायर–२ खेल्नेछ। क्वालिफायर–१ जित्ने टिम प्रतियोगिताको फाइनल पुग्नेछ। गत मंसिर १५ गतेदेखि सुरु भएको प्रतियोगितामा ८ फ्रेन्चाइज टिमको सहभागिता थियो।

Advertisement 2

सोमबार सम्पन्न लिग चरणका खेलहरुमा सुदूरपश्चिम अंक तालिकाको शीर्ष स्थानमा छ। त्यस्तै जनकपुर बोल्ट्स दोस्रो स्थानमा रह्यो।