तलदेखि माथिसम्म, विभागदेखि मन्त्रालयसम्म, प्रहरीदेखि सशस्त्रप्रहरीसम्मको सेटिङ मिलाएर विगत लामो समयदेखि भन्सार एजेन्टको काम गर्दै आएका मनोज राउत कुर्मीले गैर कानुनी ढङगले अकूत सम्पत्ति कमाएको कुरा बाहिरिएको छ।

Advertisement 1

कुर्मीले भन्सार एजेन्टसँगै अन्य दुई नम्बरी कामबाट छोटो समयमै अर्बौँको सम्पत्ति जोडेको बताइएको छ ।वीरगञ्ज छपकैया १ स्थायी घर भएका मनोज राउत कुर्मीको वीरगञ्जमा मात्रै दर्जनौँ व्यवसायिक तथा आवासीय घरहरू असनलगायत काठमाडौका विभिन्न स्थानमा समेत व्यवसायिक र आवासीय घरहरू जोडेका छन् । नेपालका अन्य शहरहरूमा पनि रियलस्टेटमा उनको ठूलो लगानी रहेको हालसालै उनले दुवईमा पनि सम्पत्ति जोडेको स्रोतले बताएको छ ।

Advertisement 2

छोटो समयमै एउटा क्लियरिङ एजेन्टको यो सबै कसरी सम्भव भयो ? उनले कसरी अकूत सम्पत्ति आर्जन गरे ? भन्ने विषय अहिले समेत चर्चामा छ । भन्सार एजेण्टहरू जाँचपासको काममा केन्द्रित भइरहँदा उनले मोटो रकम खर्चेर शक्तिकेन्द्रको आडमा सेटिङ मिलाउने गरेका छन् ।
स्रोतका अनुसार एउटै प्रज्ञापन पत्रबाट उनले धेरै मालबाहक गाडी पास गरेर राजस्व छल्ने हो । यो क्रम निरन्तर चलिरहेको छ । वीरगञ्ज भन्सारले मात्रै नेपालको भन्सार क्षेत्रको ६० प्रतिशत हिस्सा ओगटेको छ । प्रमुख मालवस्तुहरू वीरगञ्ज भन्सारबाटै भित्रने गर्छ ।

कुर्मीले केही वर्ष अघि कोभिडको बेला भारतबाट अन्धधुन्द सामान ल्याएको बताइन्छ । कोभिडको बेला कुर्मीले ट्रकमा कपडा टायर हार्डवेयरका सामान तथा अन्य सामानहरू लोड गर्ने र मालवस्तुको माथि तरकारी सागसब्जीले ढाकेर मालवस्तु ल्याउने गरेको चर्चा त्यसबखत वीरगञ्जदेखि काठमाडौंसम्म चर्चा चलेको थियो । कुर्मीले त्यसरी ल्याएको तरकारी आफ्नो छपकैयाँ र यसका आसपासका क्षेत्रमा दैनिक तरकारी तथा सागसब्जी बाँडेका थिए । समाजसेवा गरेजस्तो गरी कोभिड कालमा तस्करी गरेका कुर्मीका लागि कोभिडकाल स्वर्णयुगमा परिणत भयो ।

खुशी आलमले २०७४ बैशाख १३ गते लिएको २ करोड ३५ लाख बराबरको साँवाको साँवा र ब्याज भुक्तानी गर्न दिएको महालक्ष्मी विकास बैंकको चेक कुर्मीले लुम्बिनी विकास बैंकमा साट्न खोज्दा नसाटिएपछि बैंकिङ कसुरको मुद्दा चलाएको देखिन्छ ।