टिकटक प्रतिवन्धविरुद्ध ८ रिट,सुनुवाई सोमबार
सरकारले सामाजिक सञ्जाल टिकटकमा लगाएको प्रतिवन्ध फुकुवाको माग गर्दै सर्वाेच्च अदालतमा रिट परेको छ । शुक्रवार ८ वटा रिट परेको सर्वाेच्च अदालत प्रशासनले जनाएको छ । यद्यपि ती रिटहरु सर्वाेच्चमा दर्ता भइसकेका छैनन । टिकटकलाई प्रतिबन्ध लगाउने मन्त्रिपरिषदको निर्णय बदरको माग गर्दै अधिवक्ता दिनेश त्रिपाठी लगायतले रिट लिएर सर्वोच्च अदालत गएका हुन् ।बरिष्ठ अधिवक्ता दिनेश त्रिपाठी, अधिवक्ता स्वागत नेपाल लगायतले छुट्टाछुट्टै रिट निवेदन पेश गरेका हुन् ।
Advertisement 1
उनीहरुको रिट दर्ता प्रक्रियामा छ । हाल ती रिटहरु अध्ययनका क्रममा रहेको र अध्ययनपछि रिट दर्ता हुने कि नहुने वा कुन कुन रिट दर्ता हुने भन्ने सम्बनधमा निर्णय हुनेछ ।
सरकारले टिकटकमा लगाएको प्रतिबन्धविरूद्ध परेका रिट निवेदनहरुमाथि आगामी सोमबार प्रारम्भिक सुनुवाइ हुने भएको छ ।
Advertisement 2
गत कात्तिक २७ गते तिहारको मुखमा बसेको क्याविनेट बैठकले सामाजिक सञ्जाल टिकटक प्रतिवन्ध लगाउने निर्णय गरेको थियो । क्याविनेटको यो निर्णयसँगै नेपालका अधिकांश इन्टरनेट सेवा प्रदायकहरुले टिकटक नचल्ने बनाएका छन् ।मन्त्रिपरिषदले टिकटक बन्दको निर्णय गरेपछि नेपाल दूरसञ्चार प्राधिकरणले सबै इन्टरनेट सेवा प्रदायकलाई पत्र लेखेर टिकटक प्रतिबन्धको निर्णय कार्यान्वयन गर्न निर्देशन दिएसँगै इन्टरनेट प्रदायक कम्पनीहरुले टिकटक चल्न नमिल्ने बनाएसँगै झण्डै १ लाखको हाराहारीमा भीपीएन प्रयोग गरेर टिकटक हेर्न थालेका छन् ।
tiktok-rit
