दोलखामा थप चार किलो सुनसहित ५ पक्राउ
४ किलो सुनसहित आज (शुक्रबार) दोलखाबाट ५ जनालाई प्रहरीले पक्राउ गरेको छ ।
Advertisement 1
पक्राउ पर्नेहरूमा बिगु गाउँपालिका-१ बस्ने २८ वर्षीय केशर तामाङ, २० वर्षीय माधव मगर, १९ वर्षीय पेम्बा तामाङ, ५५ वर्षीय नुर्वु छिरीङ शेर्पा र ३० वर्षीया सुनमाला तामाङ रहेका छन् । उनीहरूलाई विगु गाउँपालिका -१ लामाबगरको विभिन्न स्थानबाट प्रकाउ गरिएको प्रहरी नायव उपरीक्षक दीपक खड्काले जानकारी दिए।
बिगु गाउँपालिका-३ जामुने डेरा गरी बस्ने केशर तामाङसमेतले अवैध रूपमा तस्करी गरी ल्याएको सुन लुकाई छिपाई राखेको भन्ने विशेष सूचनाको आधारमा जिल्ला प्रहरी कार्यालय दोलखा र ईलाका प्रहरी कार्यालय सिंगटीबाट खटिएको प्रहरी टोलीले केशरबहादुर तामाङको कोठा तलासी गर्ने क्रममा उक्त परिमाणको धातु बरामद गरेको हो।
Advertisement 2
पक्राउ परेकाहरूलाई जिल्ला प्रहरी कार्यालय दोलखाले बिहीबार सार्वजनिक गरेको हो। चीनको बोर्डरबाट लामाबगर हुँदै सुन भित्रिएको हुनसक्ने अनुमान छ । दोलखाबाटै चारकिलो सुनसहित बिहीबार ५ जना पक्राउ परेका थिए ।
