Advertisement 1

एकाबिहानै सिंहदरबारमा बसेको क्याविनेट बैंठकले दुईवटा निर्णय गरेको छ । राष्ट्रपतिको निर्वाचन हुने दिन बिहानै बसेको क्याविनेट बैठकले सत्य निरूषण तथा मेलमिलापसम्बन्धी संशोधित विधेयक आज प्रतिनिधि सभामा दर्ता गर्ने निर्णय गरेको छ ।

त्यसैगरी विदेशबाट आयात गरिने फलफूल, तरकारी र खाद्यजन्य वस्तुको विषादी परीक्षण गर्ने बैठकको निर्णय छ । निर्णयमा त्यससम्बन्धी प्रस्ताव मन्त्रिपरिषद्को विषयगत समितिमा छलफलका लागि पठाउने र यथाशीघ्र क्याबिनेटमा पेश गर्न लगाउने उल्लेख छ ।