पूर्व मुख्य सचिव पौडेलले किन गरे ‘मौनब्रत’को घोषणा ?
पूर्व मुख्यसचिव तथा चीनका लागि नेपालका पूर्व राजदूत लीलामणि पौड्याल विवादमा मुछिएका छन । शुक्रवार नेकपा एकीकृत समाजवादीसम्बद्ध जनबर्गीय संगठनले आयोजना गरेको एक कार्यक्रममा अमेरिकी सहयोग कार्यक्रम मिलेनियम च्यालेन्ज कर्पोरेसन (एमसीसी)को विषयमा दिएको एउटा विवादास्पद अभिव्यक्तिका कारण विवादमा तानिएका हुन ।
पौडेलले शुक्रवार प्रज्ञा भवनमा दिएको अभिब्यक्तिप्रति क्षमा याचना गरेका छन्। अस्ति उनले प्रज्ञामा एमसीसीको वकालत गर्न पैसा बाँडिएको अभिव्यक्ति दिएका थिए । सोही अभिव्यक्तिका कारण विवादमा तानिएका उनले क्षमा याचना गर्दै उनले ट्विटरमार्फत माफी मागेका हुन ।
Advertisement 1
उनले आफ्नो धारणाको आशय केही समयअघि एमसीसीको पक्षमा वकालत गर्न पैसा बाँडिएको कागजातसहित समाचार सार्वजनिक भएको र पछि त्यो गलत पुष्टि भएकाले त्यस्तो नक्कली कागजात बनाउनेमाथि कारबाही हुनुपर्ने रहेको स्पष्ट पार्दै विज्ञप्ति जारी गरेका हुन् । विज्ञप्तिमा भनिएको छ, ‘मैले दिएको अभिव्यक्ति कुनै व्यक्ति लक्षित थिएन तर प्रस्तुतिगत असावधानी भएको महसुस गरेको छु ।’
Advertisement 2
पौड्यालले आफ्नो अभिव्यक्तिबाट बौध्दिक बहसमा आउनुहुने सबै महानुभावलाई पुर्याएको चोटको निम्ति प्रायश्चितसमेत गरेका छन् । सोवापत आज साँझ ६ बजेदेखि भोलि दिउँसो १२ बजेसम्म मौनब्रत बस्ने र एमसिसी पास गर्न अमेरिकाले दिएको भाका १६ गते सोमबार साँझ ६ बजे ४८ घण्टासम्म एमसीसीबारे कुनै अभिव्यक्ति नदिने उनले अठोट पनि व्यक्त गरेका छन् ।
