मन्त्रिपरिषद्को हिजो बसेको बैठकले गरेका १३ वटा निर्णयहरु आज सार्वजनिक गरिएको छ । हिजोको क्यानिवेट बैठकले आगामी बैशाख ३० गते स्थानीय तहको निर्वाचन गर्ने मिति तय गरेको छ ।
यस्तै लोकसेवा आयोग तथा बढुवा समितिको सिफारिसबमोजिम विभिन्न सेवा समूहका राजपत्रांकित द्धितीय श्रेणीका अधिकृतहरूलाई सम्बन्धित सेवा समूहको राजपत्रांकित प्रथम श्रेणीको सहसचिव पदमा बढुवा, नियुक्ति तथा पदस्थापना गर्ने निर्णय गरेको छ । हिजोको क्याविनेटले राष्ट्रपति चुरे–तराई मधेश संरक्षण विकास समितिका सबै पदाधिकारीलाई बर्खास्त गर्ने निर्णय गरेको भनिए पनि सो सार्वजनिक गरिएको छैन ।
वन मन्त्रालयको प्रस्तावमा फेवातालको जलाधार क्षेत्रलाई संरक्षित जलाधार क्षेत्र घोषणा गर्ने निर्णय सार्वजनिक भएको छ । यस्तै धितोपत्र दर्ता तथा निश्कासन पाँचौँ संशोधन नियमावली, २०७८ स्वीकृत गर्ने निर्णय भएको छ । विराटनगर महानगरपालिका–१८ स्थित हिमालयन कृषि फार्मलाई केन्द्रविन्दु मानी बर्डफ्लु प्रभावित क्षेत्र घोषणा गर्ने, सिंगापुर, इटालीको रोम र रोमानियाको बुखारेस्टमा कार्यरत अवैतानिक नेपाली महावाणिज्य दूतहरूको पदावधि थप गर्ने, डिजिटल प्रणलीमार्फत नाप, नक्सा तथा जग्गा प्रशासनसम्बन्धी सेवा प्रवाह निर्देशिका, २०७८ स्वीकृत गर्ने निर्णय सरकारले गरेको छ ।

Advertisement 1

पुष्पलाल मध्यपहाडी राजमार्ग आयोजना कार्यालय गोरखाको कार्यक्षेत्रभित्र पर्ने र नुवाकोटको सडकभित्र परेका तीनवटा घर–टहराको राहत तथा क्षतिपूर्ति उपलब्ध गराउन स्वीकृती दिइएको छ ।

क्याबिनेटले बाल अधिकारसम्बन्धी अन्तर्राष्ट्रिय महासन्धि १९८९ को छैटौँ आवधिक प्रतिवेदन स्वीकृत गरी संयुक्त राष्ट्रसंघमा पेस गर्न अनुमति प्रदान गरेको छ । २०७८ फागुन ४ र ५ गते नर्वेमा भर्चुअल माध्यमबाट हुने दोस्रो ग्लोबल डीसएबीलीबी समिटमा भाग लिन महिला, बालबालिका तथा ज्येष्ठ नागरिकमन्त्री उमा रेग्मीको नेतृत्वको प्रतिनिधिमण्डललाई सहभागी हुन स्वीकृति दिने निर्णय भएको छ ।

Advertisement 2

यस्तै राष्ट्रिय प्रसारण ११औँ संशोधन नियमावली, २०७८ स्वीकृत गर्ने, नसर्ने रोगहरूको रोकथाम तथा नियन्त्रणका लागि बहुक्षेत्रीय कार्ययोजना स्वीकृत गर्ने सरकारको हिजोको निर्णयमा उल्लेख छ ।