हिजोदेखि सामाजिक सञ्जालमा एउटा तस्विरले तहल्का पिटिरहेको छ,नेतृ रामकुमारी झाक्रीले माधव नेपाललाई डोर्याएर निर्वाचन आयोगतिर लम्किरहेको । भनिन्छ संकटमै साथीको पहिचान हुन्छ । केपी ओलीबाट पार्टी उपाध्यक्ष अष्टलक्ष्मी शाक्य,भीम आचार्यजस्ता नेतामाथि अन्याय भयो भन्दै ओली प्रवृत्तिविरुद्ध लडिरहे माधव नेपाल । तर कालान्तरमा जब माधव नेपाल नयाँ पार्टी गठन गर्दै थिए,त्यो समय उनीहरु माधव नेपालका साथमा थिएनन् । ओलीविरुद्ध खरो उत्रदै आउनुभएको अष्टलक्ष्मी शाक्यले तीन हप्ता अघि बालकोटमा पुगेर ओलीसँग दुई घण्टा वार्ता गरेसँगै उहाँ ओलीप्रति नरममात्र हुनुभएन बाग्मती प्रदेशको मुख्यमन्त्री बन्न सफल हुनुभयो र पहिलो महिला मुख्यमन्त्रीको रुपमा दर्ज पनि । शाक्यसँगै अमृत बोहोरा पनि माधव नेपालसँग देखिनुभएन् ।

Advertisement 1

भीम आचार्यलाई उस्तै आश्वासन पाएका कारण अहिले माधव नेपालको नेकपा एमाले (समाजवादी)को केन्द्रीय कमिटिमा अटाउनुभएन् । एमाले वृत्तमा चलेको चर्चा अनुसार विगतमा ओलीप्रति कटाक्ष गर्दै आउनुभएका भीम रावललाई कार्यबहाक अध्यक्षको आश्वासन दिएको चर्चा छ । जो जो माधव नेपालका विश्वासपात्र बनेर ओलीसँग वार्त गर्न खटिए तिनैले माधव नेपालको साथ छाडेका छन् । घनश्याम भुषाल,योगेश भट्टराई,गोकर्ण विष्टजस्ता नेता मध्यमार्गी बाटो अगाल्ने बाहनामा माधव नेपाल समुहबाट बाहिरिएका छन् । नेपाललाई स्थायी कमिटी सदस्यद्वय मुकुन्द न्यौपाने र बेदुराम भुसालबाहेक स्थायी कमिटीमा रहेका सबैले साथ छोडेका छन् । सुरेन्द्र पाण्डे, रघुजी पन्तहरु कुनै समय माधव नेपालका खास मानिएका नेता हुन् । ओलीबाट निरन्तर पेलानमा परेका युवराज ज्ञवालीहरु पनि माधव नेपाल समूहमा खुल्न डराए ।

माधव नेपालका सम्धी सोमप्रसाद पाण्डे पनि उनको साथमा देखिएनन् । यसरी माधव नेपाललाई उचालेर अन्त्यमा धोका दिनेमा यज्ञ सुनुवार,झपट रावल ,राजन राई लगायतका नेताहरु पर्दछन् । जो माधव नेपालको नयाँ पार्टीमा खुलेनन् ।