माधव नेपाल पक्षधर नेकपा एमाले संगठन बिस्तारमा आक्रामक बन्दै गएको छ । सो खेमाले जिल्ला जिल्लामा संगठन बिस्तार जारी राखेको छ । रसुवा जिल्लामा नेकपा एमाले माधव नेपाल समूहले संगठन बिस्तारलाई तिव्रता दिएको छ । केही दिन अघि मात्र युवा संघ,रसुवाको संयोजक र सह संयोजकसहित ८१ सदस्यीय युवा संघ रसुवा गठन गरेको सो खेमाले अखिल नेपाल स्वतन्त्र राष्ट्रिय विद्यार्थी युनियन (अनेरास्ववियु) को संगठन बिस्तार गरेको छ ।

Advertisement 1

अखिलको ७७ वटै जिल्लामा संगठन बिस्तार गर्दैछ । सोही अभियानमा होमिएको माधव नेपाल खेमाले अनेरास्ववियुको रसुवाको कमाण्डरमा सुशिल नगरकोटीलाई चयन गरेको छ । नगरकोटीको संयोजकत्वमा ७७ सदस्यीय कमिटि गठन भएको हो ।

कार्यसमितिमा उपाध्यक्ष प्रदीप घले,रोमती बुलुन,सुजन विक,नवराज अधिकारी चयन भएका छन् । यस्तै सचिवमा जितमान तमाङ,सह सचिव भुवन न्यौपाने,अमर तमाङ,बुद्ध तमाङ,सूर्या तमाङ र कोषाध्यक्ष प्रेमा तमाङ चयन भएका छन् ।
अनेरास्ववियूको स्थायी कमिटि सदस्य सनथ देवकोटाको अग्रसरतामा अनेरास्ववियु रसुवा जिल्ला कमिटिलाई पूर्णता दिइएको हो ।

Advertisement 2