Advertisement 1

सरकारले शनिवार अध्यादेशमार्फत १६ खर्ब ४७ अर्ब ५७ करोड रुपैयाँको बजेट सार्वजनिक गर्यो ।
बजेट लोकप्रिय र जनमुखी रहेको प्रतिक्रियाहरु आइरहेका छन् ।
यसैबीच लामो समयसम्म केन्द्र सरकारको उपेक्षामा परेको रसुवा जिल्लाले प्रधानमन्त्री ओली नेतृत्वको सरकारको माया साथ र सद्भाव पाएको देखिन्छ ।लामो समय रसुवा बत्ति मुनीको अध्यारोको नियतिमा रह्यो । सरकारले रसुवा जिल्लालाई बजेट छुट्याउँन सधैं कञ्जुस्याई गरेको स्थिती थियो । तर यसपटक ओली नेतृत्वको सरकारले हालै सार्वजनिक गरेको बजेटमा रसुवा जिल्लालाई धेरै महत्व दिएर बजेट बिनियोजन गरेको भेटिएको छ ।
बजेटमा केरुङ्ग–काडमाण्डौ–पोखरा रेलमार्गको सम्भाव्यता अध्ययनदेखि यही बर्ष सम्पन्न गर्ने गरी टिमुरेमा सुख्खा बन्दरगाह निर्माणका लागि बजेट विनियोजन भएको छ ।
आगामी आर्थिक वर्ष केरुङ्ग–काडमाण्डौ–पोखरा रेलमार्गको विस्तृत परियोजना प्रतिवेदन तयार गरिने बजेट बक्तव्यमा उल्लेख गरिएको छ । रेलमार्गका लागि १० अर्ब अर्ब ३ करोड विनियोजन गरिएको छ । यो रकमभित्र रक्सौल काठमाडौं रेलमार्गको सम्भाव्यता अध्ययनको काम सम्पन्न हुने अर्थमन्त्री विष्णु पौडेलले बजेट बक्तव्यको क्रममा जानकारी दिनुभएको छ ।

Advertisement 2

बजेटमा रसुवाको टिमुरेमा आगामी बर्ष सुक्खा वन्दरगाह निर्माण सम्पन्‍न गरिने लक्ष्य लिइ बजेट बिनियोजन गरिएको छ ।
यस्तै,बजेटमा उत्तर–दक्षिण सडक कोरिडोर निर्माण कार्यलाई तीव्रता दिइने उल्लेख छ । जसअन्तरगत त्रिशुली कोरिडोरको त्रिशुली–साफ्रुवेसी–रसुवागढी खण्डसहतिका सडक करिडोर निर्माणका लागि ६ अर्ब ५० करोड रकम विनियोजन भएको छ ।
गल्छि–स्याफ्रुवेंशी–रसुवागढी र काठमाण्डौ–विदुर सडकलाई डेडिकेटेड डवल लेनमा स्तरोन्‍नति गरिने बजेट बक्तव्यमा उल्लेख छ ।
यस्तै आगामी आर्थिक वर्ष टोखा–छहरे–गुर्जुभज्याङ, वेत्रावती–स्याफ्रुवेशी, खुर्कोट–चियावारी र थानकोट–चित्लाङ्ग सुरुङ्गमार्गको विस्तृत परियोजना प्रतिवेदन तयार गरी निर्माण कार्य प्रारम्भ गरिने जनाइएको छ ।
यस्तै,सुवागढी–चिलिमे–रातोमाटे खण्डको विस्तृत सम्भाव्यता अध्ययन गर्न आवश्यक रकम छुट्याइएको छ ।
यस्तै रसुवासहितका १३ हिमाली जिल्लाका जोखिममा परेको अल्पसंख्यक, लोपोन्मुख, सीमान्तकृत समुदाय तथा विपन्‍न वर्गका बालबालिकाका लागि माध्यमिक तहका आवासीय विद्यालय सञ्‍चालन गरिनेछ बजेट बक्तव्यमा उल्लेख छ ।