महन्थ- राजेन्द्रले आफूपक्षधर १४ सांसदलाई राखे भक्तपुरको रिसोर्टमा
जनता समाजवादी पार्टीको अध्यक्ष महन्थ ठाकुरले आफू पक्षधर सांसदहरुसँग छलफलका लागि भन्दै भक्तपुरको एक रिर्सोटमा भेला गराई त्यतै राखेका छन् । राष्ट्रपति विद्यादेवी भण्डारीले बहुमतको सरकार गठनका लागि दिएको समयसीमा आज बेलुका ९ बजे सकिँदैछ।
यही समयमा उनले कांग्रेस सभापति देउवालाई बूढालिनकण्ठमा पुगेर भेटे । बुढानिलकण्ठमा देउवालाई भेटेर बालुवाटारमा ओलीसँग भेटवार्ता गरेका ठाकुर र महतोले तत्कालीन राजपाको पार्टी कार्यालय बबरमहलमा भेला गराएर सांसदहरुलाई भक्तपुर लगेका हुन् ।
साथै प्रधानमन्त्री केपी शर्मा ओली समेत लचिलो भएर माधव नेपालसँग वार्तामा बसेका छन् ।
Advertisement 1
यता बहुमत पुग्न नदिने उदेश्यले महन्थले आफू पक्षधर सांसदहरुलाई भक्तपुरको एक रिसोर्टमा लगेर राखेका हुन् । पछिल्लो राजनीतिक घटनाक्रमबारे जसपाका आफ्ना पक्षीय सांसदसँग छलफलका लागि त्यहाँ बोलाएको थियो । त्यहाँ महन्थ ठाकुर–राजेन्द्र महतो पक्षका मात्र सांसदहरुको छलफल थियो । सो भेलामा १३ जना प्रतिनिधिसभा सदस्य सहभागी रहेको ठाकुर पक्षधरको दावा छ । होटलमा महन्थ ठाकुर, राजेन्द्र महतो, राजकिशोर यादव, अनिल झासहितका शीर्ष नेताहरू समेत पुगेका छन् ।
जसपाको उपेन्द्र यादव र बाबुराम भट्टराई पक्ष देउवाको नेतृत्वमा बहुमतको सरकार निर्माणको पक्षमा उभिएका बेला ठाकुर र महतोले आफूनिकट सांसदलाई रिसोर्टमा लगेर थुनेका हुन् ।
Advertisement 2
जसपाका ३४ मध्ये हाल ३२ सांसद छन् । यादव पक्षमा १३ सांसद पुग्न नदिने प्रयास भइरहेको ठाकुरनिकट स्रोतले जनाएको छ । विश्वासको मत दिने बेला अनुपस्थित भएकी रुही नाज समेत ठाकुर पक्षमा लागेकी छन् ।
