अन्नपूर्ण पोष्टका मालिक क्याप्टेन रामेश्वर थापाको चपलीस्थित निवासमा प्रधानमन्त्री केपी शर्मा ओली र पूर्व प्रधानमन्त्री माधव कुमार नेपालबीच भेटवार्ता शुरु भएको छ । आजै बिहानमात्र माधव नेपाल पक्षधर ४ नेतामाथिको कारवाही फुकुवा गरिएको थियो । सो सँगै ओली र नेपालबीच भेटवार्ताको वातावरण बनेको छ । भेटवार्ता हुनु अघि आजै बिहान माधव नेपालको निवासमा पुगेर जेठ २ को अघिको स्थितीमामा फर्किन आफू तयार रहेको ओलीको सन्देश सुनाएका थिए।

Advertisement 1

तर नेपाल पक्षले २०७५ जेठ २ गतेकै संरचनाअनुसार पार्टी चल्नुपर्ने अडान राखेका छन्। उक्त निर्णयमा फर्कन अध्यक्ष ओलीलाई नेता नेपालले आज अपरान्ह ४ बजेसम्म समय दिएका छन्।
ओलीले माधव नेपाललाई वालुवाटारमै बोलाएका भए पनि ओली त्यता जान नमाने पछि उनीहरुबीच वार्ताको लागि अन्नपूर्ण पोष्ट र हेलिकप्टर व्यवसाय गर्दै आएका क्याप्टेन रामेश्वर थापाको घर चयन गरिएको हो । यसअघि वैशाख ८ र ९ मा दुई नेताबीच मेरियट होटलमा भेटवार्ता भएको थियो । तर, निष्कर्ष भने केही निस्किएको थिएन ।
आजको वार्ताको रमाइलो संयोग चाहिँ यिनै रामेश्वर थापाले गत बर्ष ०७७ कार्तिक छ गते भारतीय अन्तर्राष्ट्रिय गुप्तचर सँस्था “र” प्रमुखलाई मध्यराती प्रधानमन्त्री केपी ओलीसङ्ग ३ घण्टा बालुवाटारमा वार्ता गराएका थिए