लुम्बिनी प्रदेशका मुख्यमन्त्री शंकर पोखरेल संकटमा परेका छन् ।
यस अघि अंकगणीतीय हिसाबमा शंकर पोखरेलको खेमामा ४१ सांसद रहेका थिए । तर तिनैमध्येका सांसद विमला ओली,ओली कित्ता फेरेर माओवादी केन्द्रतिर प्रवेश गरेसँगै पोखरेल अप्ठ्यारोमा परेका हुन् ।

Advertisement 1

विमला ओली खेमाको एमाले छाडेर माओवादीमा प्रवेश गरेसँगै त्यहाँका मुख्यमन्त्री शंकर पोखरेलको एकल बहुमतको सरकार बनाउने सपना साकार नहुने अबस्थामा पुगेको हो ।

मुख्यमन्त्री पोखरेलविरुद्ध यस अघि नै गत ६ वैशाखमै अविश्वासको प्रस्ताव दर्ज भएको थियो ।

Advertisement 2

पोखरेलविरुद्ध नेपाली कांग्रेस, नेकपा माओवादी केन्द्रलगायतका दलहरुले पेश गरेको अविश्वास प्रस्तावमा राखेका थिए । तर अविश्वाशको प्स्ताव राख्ने जसपाका ४ जना सांसदलाई मन्त्री बनाएर उनले आफ्नो कुर्सी जोगाइरहेका थिए ।

यही बीचमा जसपाले आफ्ना चारै सांसदलाई पदबाट बर्खास्त गरिसकेको छ । कर्णालीमा झैं माधव नेपाल पक्षधर सांसदहरुबाट फ्लोर क्रस हुने डरले अविश्वासको प्रस्तावको सामना नगरी पोखरेलले आज बिहानै हठात राजीनामा दिएका हुन् । राजीनामा दिनुको कारण थियो पुन आफ्नै नेतृत्वमा एकल सरकार बनाउनु । सो प्रदेश सभामा ८७ जना सांसद रहेकामा जसपाका चार र माओवादी केन्द्रका दुई जना सांसद निलम्बित भएका छन् । अहिले प्रदेश सभा ८१ सदस्यीय छ। सत्तारूढ एमालेसँग ४१ सांसद रहेका थिए । बहुमत सांसद आफ्नो पक्षमा भएपछि एकल सरकार बनाउने उदेश्यले उनले हठात राजीनामा दिए पनि अहिले कोर्स चेञ्ज भएको छ ।

ओली खेमाको सांसद विमला  सो खेमा छाडेर प्रचण्ड खेमातिर प्रवेश गरेसँगै प्रदेश सभामा नेपाली कांग्रेसका १९, माओवादी केन्द्र सभामुखसहित १९, जसपाका दुई,राष्ट्रिय जनमोर्चासँग एक सांसद पुगेका छन् । एमालेका ४१ सांसद भएकाले अब एमालेको एकल बहुमत हुने अबस्था रहेकोमा अब एमालेसँग ४० सांसदमात्र रहेको छ ।
नेकपाबाट निर्वाचित सांसद विमला ओली माओवादी केन्द्रको सांसद बनेकाले पोखरेलसँग बहुमत नरहेको अबस्था छ ।

विमला दाङ क्षेत्र नम्बर ३ (ख) मा भएको प्रदेशसभा सदस्य उपनिर्वाचनमा नेपाल कम्युनिस्ट पार्टीबाट विजयी भएकी हुन् । विमला प्रदेशसभाका दिवंगत सांसद उत्तर कुमार खत्रीकी जीवन संगिनी हुन् । अघिल्लो निर्वाचनमा तत्कालीन एमालेबाट निर्वाचित उत्तरकुमारको सडक दुर्घटनामा निधन भएपछि रिक्त स्थानमा नेकपाले उनकै पत्नी विमलालाई उम्मेदवार बनाइएको थियो ।