कोरोनाको दोश्रो लहर फैलिरहेको समयमा फेरि लकडाउन हुने हो कि भन्ने त्रास बढिरहेको बेला सरकारले तत्काल लकडाउन नगर्ने भएको छ । सोमबार साँझ बसेको मन्त्रिपरिषद बैठकले मुलुकमा कोरोना संक्रमणको दोश्रो लहर फैलिएको ठहर गर्दै स्वास्थ्यका नयाँ मापदण्ड जारी गर्ने र परिस्थिति हेरेर मात्र निर्णय लिने निश्कर्ष निकालेको हो ।
यस अघि एमसीसी बैठकले विद्यालय,मनोरञ्जनलगायतका एक दर्जन क्षेत्र बन्द गर्ने निर्णय गर्दै मन्त्रिपरिषद्‍मा सिफारिस गरेको थियो । बैठकले शनिबार कोभिड संकट व्यवस्थापन केन्द्र सीसीएमसीको पछिल्लो प्रस्तावमाथि छलफल गरेको थियो ।

Advertisement 1

तर, बैठकले तत्काल लकडाउन गरिहाल्ने र शैक्षिक संस्था लगायतका कुनै क्षेत्र बन्द गर्ने निष्कर्ष निकाल्न नसकेको स्रोतले बताएको छ । सीसीएमसीले कोरोना संक्रमण बढेको भन्दै शैक्षिक संस्था तीन साता बन्द गर्न प्रस्ताव गरेको थियो । सीसीएमसीको सो प्रस्ताव लगत्तै सरकारले सरोकारवाला निकायहरुसँग समेत छलफल गरेको थियो । सो प्रस्तावलाई मन्त्रिपरिषद्ले स्वीकृत गरेन बरु मन्त्रिपरिषद्को बैठकले स्वास्थ्य जोखिम निम्त्याएको निष्कर्ष निकाल्दै जनस्वास्थ्यका नयाँ मापदण्ड जारी गर्ने तयारी गरेको छ ।
सरकारले सम्भवतः आजै जनस्वास्थ्यको नयाँ मापदण्ड जारी गर्दैछ ।