काठमाडौं। नेपाली बजारमा आइतबार पनि सुनको मूल्य बढेको छ। नेपाल सुनचाँदी व्यवसायी महासंघले आइतबार सुनको मूल्य प्रतितोला १ लाख ६७ हजार २ सय रुपैयाँ कायम गरिएको जानकारी दिएको छ।

Advertisement 1

यसअघि शुक्रबार सुनको कारोबार प्रतितोला १ लाख ६५ हजार ५ सय रुपैयाँका दरले भएको थियो। मंसिर महिना लागेयता नेपाली बजारमा सुनको मूल्य निरन्तर बढ्दो रुपमा रहेको छ।

यसअघि मंसिर २ गते पहिलो कारोबार १ लाख ६० हजार रुपैयाँका दरले सुनको कारोबार भएको थियो। त्यसयताका प्रत्येक दिन बढ्दै आएको सुनको मूल्य बिहीबार १ लाख ६४ हजार रुपैयाँ रहेको थियो।

Advertisement 2

आइतबार चाँदीको मूल्य प्रतिोला १९ सय ६० रुपैयाँ तोकिएको महासंघले जानकारी दिएको छ। यसअघि शुक्रबार चाँदी प्रतितोला १९ सय ४० रुपैयाँका दरले कारोबार भएको थियो।